Reserve Bank of India (RBI) ਨੇ ਅਕਤੂਬਰ 2026 ਲਈ ਚਾਰ Sovereign Gold Bond (SGB) ਸੀਰੀਜ਼ ਦੀ ਪ੍ਰੀ-ਮੈਚਿਓਰ ਰੀਡੈਂਪਸ਼ਨ ਵਿੰਡੋ ਦਾ ਐਲਾਨ ਕੀਤਾ ਹੈ। ਨਿਵੇਸ਼ਕਾਂ ਕੋਲ ਆਪਣੀ ਲਿਕਵਿਡਿਟੀ ਵਧਾਉਣ ਦਾ ਮੌਕਾ ਹੈ, ਪਰ ਟੈਕਸ ਦੇ ਨਵੇਂ ਨਿਯਮਾਂ ਨੂੰ ਧਿਆਨ ਵਿੱਚ ਰੱਖਣਾ ਜ਼ਰੂਰੀ ਹੈ।
RBI ਨੇ ਚਾਰ SGB ਸੀਰੀਜ਼ - 2019-20 Series V ਤੇ VI ਅਤੇ 2020-21 Series I ਤੇ VII - ਲਈ ਰੀਡੈਂਪਸ਼ਨ ਸ਼ਡਿਊਲ ਜਾਰੀ ਕਰ ਦਿੱਤਾ ਹੈ। ਜਿਨ੍ਹਾਂ ਨਿਵੇਸ਼ਕਾਂ ਨੇ 5 ਸਾਲ ਦਾ ਲਾਜ਼ਮੀ ਹੋਲਡਿੰਗ ਪੀਰੀਅਡ ਪੂਰਾ ਕਰ ਲਿਆ ਹੈ, ਉਹ ਆਪਣਾ ਨਿਵੇਸ਼ ਕਢਵਾ ਸਕਦੇ ਹਨ।
ਮਹੱਤਵਪੂਰਨ ਤਾਰੀਖਾਂ:
- 2019-20 Series V: ਰੀਡੈਂਪਸ਼ਨ ਡੇਟ 15 ਅਕਤੂਬਰ 2026 (ਅਰਜ਼ੀ 14 ਸਤੰਬਰ ਤੋਂ)
- 2019-20 Series VI: ਰੀਡੈਂਪਸ਼ਨ ਡੇਟ 30 ਅਕਤੂਬਰ 2026 (ਅਰਜ਼ੀ 29 ਸਤੰਬਰ ਤੋਂ)
- 2020-21 Series I: ਰੀਡੈਂਪਸ਼ਨ ਡੇਟ 28 ਅਕਤੂਬਰ 2026
- 2020-21 Series VII: ਰੀਡੈਂਪਸ਼ਨ ਡੇਟ 19 ਅਕਤੂਬਰ 2026
ਕੀਮਤ ਕਿਵੇਂ ਤੈਅ ਹੋਵੇਗੀ?
ਰੀਡੈਂਪਸ਼ਨ ਦੀ ਰਕਮ India Bullion and Jewellers Association (IBJA) ਵੱਲੋਂ ਤੈਅ ਕੀਤੀ ਜਾਵੇਗੀ, ਜੋ ਕਿ ਰੀਡੈਂਪਸ਼ਨ ਤੋਂ ਪਹਿਲੇ 3 ਕਾਰੋਬਾਰੀ ਦਿਨਾਂ ਦੇ 999-ਸ਼ੁੱਧਤਾ ਵਾਲੇ ਸੋਨੇ ਦੀ ਔਸਤ ਕੀਮਤ ਹੋਵੇਗੀ। ਇਸ ਦੌਰਾਨ, ਨਿਵੇਸ਼ਕਾਂ ਨੂੰ 2.5% ਸਾਲਾਨਾ ਵਿਆਜ ਮਿਲਦਾ ਰਹੇਗਾ।
ਟੈਕਸ ਦਾ ਪੇਚ
1 ਅਪ੍ਰੈਲ 2026 ਤੋਂ ਬਾਅਦ ਟੈਕਸ ਨਿਯਮਾਂ ਵਿੱਚ ਵੱਡੇ ਬਦਲਾਅ ਆਏ ਹਨ। ਹੁਣ ਪ੍ਰੀ-ਮੈਚਿਓਰ ਐਗਜ਼ਿਟ 'ਤੇ ਕੈਪੀਟਲ ਗੇਨਜ਼ ਟੈਕਸ (Capital Gains Tax) ਲੱਗ ਸਕਦਾ ਹੈ, ਜਿਸ ਨਾਲ ਤੁਹਾਡਾ ਨੈੱਟ ਰਿਟਰਨ ਘਟ ਸਕਦਾ ਹੈ। ਸੈਕੰਡਰੀ ਮਾਰਕੀਟ ਤੋਂ ਖਰੀਦਣ ਵਾਲੇ ਨਿਵੇਸ਼ਕਾਂ ਲਈ ਨਿਯਮ ਹੋਰ ਵੀ ਵੱਖਰੇ ਹਨ, ਇਸ ਲਈ ਕੋਈ ਵੀ ਫੈਸਲਾ ਲੈਣ ਤੋਂ ਪਹਿਲਾਂ ਆਪਣੇ ਟੈਕਸ ਸਲਾਹਕਾਰ ਨਾਲ ਗੱਲ ਕਰਨਾ ਬਿਹਤਰ ਰਹੇਗਾ।