JM Financial ਦੇ ਹੈੱਡ ਆਫ ਰਿਸਰਚ Deepak Gupta ਮੁਤਾਬਕ, ਕੈਪੀਟਲ ਗੁਡਸ ਅਤੇ ਕੈਮੀਕਲ ਵਰਗੇ ਸੈਕਟਰ ਅਗਲੀ ਮਾਰਕੀਟ ਰਿਕਵਰੀ ਦੀ ਅਗਵਾਈ ਕਰਨਗੇ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਕੰਪਨੀਆਂ ਦੇ ਬਿਹਤਰ ਮਾਰਜਿਨ ਅਤੇ ਗਲੋਬਲ ਮੁਕਾਬਲੇਬਾਜ਼ੀ ਕਾਰਨ ਅਗਲੇ 4 ਕੁਆਰਟਰਾਂ 'ਚ ਵਿਦੇਸ਼ੀ ਨਿਵੇਸ਼ਕ ਮੁੜ ਭਾਰਤੀ ਬਾਜ਼ਾਰ ਵੱਲ ਪਰਤਣਗੇ।
ਐਕਸਪੋਰਟ-ਅਧਾਰਿਤ ਕੰਪਨੀਆਂ ਦੀ ਨਵੀਂ ਉਡਾਣ
ਭਾਰਤੀ ਮੈਨੂਫੈਕਚਰਿੰਗ ਕੰਪਨੀਆਂ ਹੁਣ ਗਲੋਬਲ ਮਾਰਕੀਟ 'ਤੇ ਪੂਰਾ ਜ਼ੋਰ ਦੇ ਰਹੀਆਂ ਹਨ। JM Financial Asset Management ਦੇ ਹੈੱਡ ਆਫ ਰਿਸਰਚ Deepak Gupta ਦਾ ਕਹਿਣਾ ਹੈ ਕਿ ਕੈਪੀਟਲ ਗੁਡਸ, ਆਟੋ ਐਨਸਿਲਰੀਜ਼, ਟੈਕਸਟਾਈਲ ਅਤੇ ਕੈਮੀਕਲ ਇੰਡਸਟਰੀਜ਼ ਕਾਫੀ ਮਜ਼ਬੂਤ ਹੋ ਰਹੀਆਂ ਹਨ। ਬਿਹਤਰ ਕਾਰਜਸ਼ੀਲ ਕੁਸ਼ਲਤਾ ਅਤੇ ਅਨੁਕੂਲ ਕਰੰਸੀ ਮਾਹੌਲ ਕਾਰਨ ਇਹ ਕੰਪਨੀਆਂ ਅੰਤਰਰਾਸ਼ਟਰੀ ਵਪਾਰ ਵਿੱਚ ਆਪਣੀ ਹਿੱਸੇਦਾਰੀ ਵਧਾ ਰਹੀਆਂ ਹਨ।
FII ਕਿਉਂ ਹੋਏ ਸਨ ਨਾਰਾਜ਼?
ਪਿਛਲੇ ਕੁਝ ਮਹੀਨਿਆਂ ਤੋਂ ਵਿਦੇਸ਼ੀ ਨਿਵੇਸ਼ਕਾਂ (FIIs) ਵੱਲੋਂ ਲਗਾਤਾਰ ਵਿਕਵਾਲੀ ਦੇਖੀ ਗਈ ਸੀ, ਕਿਉਂਕਿ ਗਲੋਬਲ ਪੂੰਜੀ Artificial Intelligence (AI) ਇਨਫ੍ਰਾਸਟ੍ਰਕਚਰ ਵੱਲ ਚਲੀ ਗਈ ਸੀ। ਪਰ ਗੁਪਤਾ ਦੇ ਮੁਤਾਬਕ, ਇਹ ਇੱਕ ਅਸਥਾਈ ਪੜਾਅ ਹੈ। ਜੇਕਰ ਭਾਰਤੀ ਕੰਪਨੀਆਂ ਅਗਲੇ 2 ਤੋਂ 4 ਕੁਆਰਟਰਾਂ ਤੱਕ ਲਗਾਤਾਰ ਚੰਗਾ ਨੈੱਟ ਪ੍ਰੋਫਿਟ ਮਾਰਜਿਨ ਦਿਖਾਉਂਦੀਆਂ ਹਨ, ਤਾਂ ਵਿਦੇਸ਼ੀ ਪੈਸਾ ਜ਼ਰੂਰ ਵਾਪਸ ਆਵੇਗਾ।
ਚੁਣੌਤੀਆਂ ਅਤੇ ਰਿਸਕ
ਹਾਲਾਂਕਿ ਆਊਟਲੁੱਕ ਸਕਾਰਾਤਮਕ ਹੈ, ਪਰ ਗਲੋਬਲ ਭੂ-ਰਾਜਨੀਤਿਕ ਤਣਾਅ ਅਤੇ ਵਪਾਰਕ ਟੈਰਿਫ ਨੀਤੀਆਂ ਇੱਕ ਵੱਡਾ ਖਤਰਾ ਬਣੀਆਂ ਹੋਈਆਂ ਹਨ। ਇਸ ਤੋਂ ਇਲਾਵਾ, JM Financial ਨੇ ਵੀ ਆਪਣੀ ਸਥਿਤੀ ਸਪੱਸ਼ਟ ਕੀਤੀ ਹੈ। ਕੰਪਨੀ ਨੇ ਜੂਨ 2026 ਦੀ ਪਹਿਲੀ ਤਿਮਾਹੀ ਲਈ ₹883 ਕਰੋੜ ਦਾ ਨੈੱਟ ਰੈਵੇਨਿਊ ਦਰਜ ਕੀਤਾ ਹੈ, ਜੋ ਕਿ 13% ਦਾ ਵਾਧਾ ਹੈ। ਫਿਲਹਾਲ, ਕੰਪਨੀ ਹੈਲਥਕੇਅਰ ਸੈਕਟਰ ਨੂੰ ਲੈ ਕੇ ਉਤਸ਼ਾਹਿਤ ਹੈ, ਜਦਕਿ ਇੰਸ਼ੋਰੈਂਸ ਸੈਕਟਰ ਵਿੱਚ ਰੈਗੂਲੇਟਰੀ ਅਪਡੇਟਸ ਦੇ ਇੰਤਜ਼ਾਰ ਵਿੱਚ 'ਵੇਟ ਐਂਡ ਵਾਚ' ਦੀ ਨੀਤੀ ਅਪਣਾ ਰਹੀ ਹੈ।