ICICI Securities ਨੇ Ather Energy 'ਤੇ ਕਵਰੇਜ ਸ਼ੁਰੂ ਕਰਦੇ ਹੋਏ **₹2,050** ਦਾ ਟਾਰਗੇਟ ਦਿੱਤਾ ਹੈ। ਕੰਪਨੀ ਦੇ ਸਾਫਟਵੇਅਰ ਅਤੇ ਹਾਲ ਹੀ ਵਿੱਚ ਮਿਲੇ ਪਹਿਲੇ ਮੁਨਾਫੇ ਨੇ ਨਿਵੇਸ਼ਕਾਂ ਦਾ ਭਰੋਸਾ ਵਧਾਇਆ ਹੈ, ਹਾਲਾਂਕਿ **7 ਕਰੋੜ** ਤੋਂ ਵੱਧ ਸ਼ੇਅਰਾਂ ਦੀ ਲਾਕ-ਇਨ ਮਿਆਦ ਖਤਮ ਹੋਣ ਨਾਲ ਬਾਜ਼ਾਰ ਵਿੱਚ ਉਥਲ-ਪੁਥਲ ਦੀ ਸੰਭਾਵਨਾ ਹੈ।
ਇਲੈਕਟ੍ਰਿਕ ਟੂ-ਵ੍ਹੀਲਰ ਬਣਾਉਣ ਵਾਲੀ ਕੰਪਨੀ Ather Energy ਲਈ ਇੱਕ ਵੱਡੀ ਖਬਰ ਸਾਹਮਣੇ ਆਈ ਹੈ। ICICI Securities ਨੇ ਇਸ ਸਟਾਕ ਨੂੰ 'Buy' ਰੇਟਿੰਗ ਦਿੱਤੀ ਹੈ ਅਤੇ ₹2,050 ਦਾ ਟਾਰਗੇਟ ਪ੍ਰਾਈਸ ਤੈਅ ਕੀਤਾ ਹੈ। ਬ੍ਰੋਕਰੇਜ ਦਾ ਮੰਨਣਾ ਹੈ ਕਿ ਕੰਪਨੀ ਦੀ ਆਪਣੀ ਤਕਨਾਲੋਜੀ ਅਤੇ ਮਜ਼ਬੂਤ R&D ਇਸ ਨੂੰ ਦੂਜੀਆਂ ਕੰਪਨੀਆਂ ਤੋਂ ਵੱਖਰਾ ਬਣਾਉਂਦੇ ਹਨ।
ਮੁਨਾਫੇ ਦੀ ਰਾਹ 'ਤੇ Ather
Ather Energy ਨੇ ਹਾਲ ਹੀ ਵਿੱਚ ਆਪਣਾ ਪਹਿਲਾ ਤਿਮਾਹੀ ਨੈੱਟ ਪ੍ਰੋਫਿਟ ₹1.26 ਕਰੋੜ ਦਰਜ ਕੀਤਾ ਹੈ। ਕੰਪਨੀ ਦੀ ਰੈਵੇਨਿਊ ਵਿੱਚ ਵੀ 63% ਦਾ ਸ਼ਾਨਦਾਰ ਉਛਾਲ ਦੇਖਿਆ ਗਿਆ ਹੈ, ਜੋ ₹1,464 ਕਰੋੜ ਤੱਕ ਪਹੁੰਚ ਗਈ ਹੈ। ਖਾਸ ਤੌਰ 'ਤੇ ਕੰਪਨੀ ਦਾ 'AtherStack' ਸਾਫਟਵੇਅਰ, ਜਿਸਦੀ ਅਟੈਚ ਰੇਟ 90% ਤੋਂ ਵੱਧ ਹੈ, ਇਸ ਨੂੰ ਮਾਰਕੀਟ ਵਿੱਚ ਮਜ਼ਬੂਤ ਬਣਾਈ ਰੱਖਣ ਵਿੱਚ ਮਦਦ ਕਰ ਰਿਹਾ ਹੈ।
ਭਵਿੱਖ ਦੀਆਂ ਯੋਜਨਾਵਾਂ
ਬ੍ਰੋਕਰੇਜ ਨੂੰ ਉਮੀਦ ਹੈ ਕਿ Ather FY29 ਤੱਕ ਆਪਣੀ ਰੈਵੇਨਿਊ ਵਿੱਚ 55% ਦੀ ਸਾਲਾਨਾ ਵਿਕਾਸ ਦਰ (CAGR) ਬਰਕਰਾਰ ਰੱਖੇਗੀ। ਕੰਪਨੀ ਆਪਣੀ ਉਤਪਾਦਨ ਸਮਰੱਥਾ ਨੂੰ ਵਧਾ ਕੇ 11.4 ਲੱਖ ਯੂਨਿਟ ਕਰਨ ਦੀ ਤਿਆਰੀ ਵਿੱਚ ਹੈ।
ਨਿਵੇਸ਼ਕਾਂ ਲਈ ਚਿਤਾਵਨੀ
ਹਾਲਾਂਕਿ ਲੰਬੇ ਸਮੇਂ ਦਾ ਨਜ਼ਰੀਆ ਸਕਾਰਾਤਮਕ ਹੈ, ਪਰ 5 ਨਵੰਬਰ, 2026 ਨੂੰ ਇੱਕ ਅਹਿਮ ਤਰੀਕ ਹੈ। ਇਸ ਦਿਨ ਕੰਪਨੀ ਦੇ 7.66 ਕਰੋੜ ਸ਼ੇਅਰਾਂ ਦੀ ਲਾਕ-ਇਨ ਮਿਆਦ ਖਤਮ ਹੋ ਰਹੀ ਹੈ, ਜੋ ਕੁੱਲ ਇਕਵਿਟੀ ਦਾ ਲਗਭਗ 21% ਹੈ। ਇਹ ਸ਼ੇਅਰ ਮਾਰਕੀਟ ਵਿੱਚ ਆਉਣ ਨਾਲ ਸਟਾਕ ਵਿੱਚ ਸ਼ਾਰਟ-ਟਰਮ ਵੋਲੇਟਿਲਿਟੀ (Volatiliy) ਦੇਖਣ ਨੂੰ ਮਿਲ ਸਕਦੀ ਹੈ। ਇਸ ਤੋਂ ਇਲਾਵਾ, ਕੰਪਨੀ ਨੂੰ ਵਧਦੀ ਮਹਿੰਗਾਈ ਅਤੇ ਹਾਈ ਇੰਟਰਸਟ ਖਰਚਿਆਂ ਵਿਚਕਾਰ ਆਪਣੇ ਮੁਨਾਫੇ ਦੇ ਮਾਰਜਿਨ ਨੂੰ ਬਰਕਰਾਰ ਰੱਖਣ ਦੀ ਚੁਣੌਤੀ ਦਾ ਸਾਹਮਣਾ ਵੀ ਕਰਨਾ ਪਵੇਗਾ।