भारतातून बाहेर गेलेल्या NRI (Non-Resident Indian) व्यक्तींसाठी महत्त्वाची बातमी. जर तुमचे भारतातून मिळणारे उत्पन्न ठराविक मर्यादेपेक्षा जास्त असेल, तर तुम्हाला 31 जुलैपर्यंत ITR (Income Tax Return) भरणे अनिवार्य आहे. असे न केल्यास दंड भरावा लागू शकतो.
NRI साठी ITR भरणे कधी होते अनिवार्य?
भारताबाहेर स्थायिक झालेल्या NRI लोकांसाठी भारतातून मिळणाऱ्या उत्पन्नावर कर (Tax) लागू होतो. जर तुमचे भारतातून मिळणारे एकूण उत्पन्न (उदा. घरभाडे, NRO अकाऊंटवरील व्याज, डिव्हिडंड, शेअर किंवा प्रॉपर्टी विक्रीतून मिळालेला कॅपिटल गेन) हे बेसिक एक्सम्प्शन लिमिटपेक्षा (Basic Exemption Limit) जास्त असेल, तर तुम्हाला ITR भरणे बंधनकारक आहे. हे नियम TDS (Tax Deducted at Source) कापला गेला असला तरी लागू होतात.
याशिवाय, काही विशिष्ट व्यवहारांमुळेही ITR भरणे आवश्यक ठरते. जर तुम्ही एका आर्थिक वर्षात तुमच्या बचत खात्यात (Savings Account) ₹50 लाखांपेक्षा जास्त रक्कम जमा केली किंवा चालू खात्यात (Current Account) ₹1 कोटींपेक्षा जास्त रक्कम जमा केली, तर तुम्हाला ITR भरणे बंधनकारक आहे.
31 जुलै ही अंतिम मुदत चुकल्यास, ₹5 लाखांपर्यंतच्या उत्पन्नासाठी ₹1,000 आणि त्याहून अधिक उत्पन्नासाठी ₹5,000 पर्यंतचा दंड लागू शकतो.