Axis Mutual Fund ने गुंतवणुकीचा नवा मार्ग शोधला असून, आता गुंतवणूकदारांना फिक्स्ड रुपयांऐवजी ग्राममध्ये (grams) सोने-चांदीची खरेदी करता येणार आहे.
गुंतवणुकीची नवी पद्धत
साधारणपणे आपण जेव्हा SIP करतो, तेव्हा एक ठराविक रक्कम गुंतवतो. मात्र, Axis Mutual Fund ने आता यामध्ये बदल केला आहे. आता तुम्ही ग्राम (grams) मध्ये तुमची गुंतवणूक निश्चित करू शकता. त्यानुसार, बाजारातील सोन्या-चांदीच्या चालू दरानुसार तुमची मासिक गुंतवणुकीची रक्कम सिस्टिमद्वारे आपोआप कॅल्क्युलेट केली जाईल.
ही सुविधा कोणासाठी?
ही सुविधा Axis Gold Fund आणि Axis Silver Fund of Funds साठी उपलब्ध करून देण्यात आली आहे. ज्यांना भविष्यातील लग्नसराई किंवा इतर खर्चांसाठी ठराविक वजनाचे सोने किंवा चांदी साठवायची आहे, त्यांच्यासाठी हे 'गोल-बेस्ड' नियोजन अत्यंत सोपे होणार आहे. फिजिकल सोने खरेदी करताना असणाऱ्या सुरक्षेच्या चिंतेतून आणि शुध्दतेच्या वादातून ही डिजिटल गुंतवणूक तुम्हाला मुक्त ठेवते.
गुंतवणूकदारांनी काय लक्षात घ्यावे?
ही सुविधा सोयीस्कर असली तरी, कमोडिटी-लिंक्ड म्युच्युअल फंड हे हाय रिस्क (High Risk) श्रेणीत येतात. जागतिक बाजारातील चढ-उतार थेट तुमच्या रिटर्न्सवर परिणाम करू शकतात. तसेच, यामध्ये 'ट्रॅकिंग एरर' (Tracking Error) असण्याची शक्यता असते, ज्यामुळे परतावा फिजिकल सोन्याच्या भावापेक्षा थोडा वेगळा असू शकतो. गुंतवणूक करण्यापूर्वी फंडाचे एक्सपेंस रेशो आणि टॅक्स नियमांचा विचार करणे गरजेचे आहे.