भारतातील स्ट्रीमिंग प्लॅटफॉर्म्स आता कबड्डी आणि फुटबॉलसारख्या खेळांवर लक्ष केंद्रित करत आहेत. क्रिकेटच्या हंगामी चक्रातून बाहेर पडून वर्षभर सबस्क्रिप्शन टिकवून ठेवण्यासाठी कंपन्या 'बंडलिंग' धोरण वापरत आहेत.
भारतातील स्ट्रीमिंग मार्केटमध्ये क्रिकेटचे वर्चस्व निर्विवाद आहे. देशातील स्पोर्ट्स जाहिरातींचा सुमारे ९०% वाटा क्रिकेट एकट्याने खिशात घालतो. मात्र, क्रिकेटचा हंगाम संपल्यानंतर प्रेक्षकांची संख्या मोठ्या प्रमाणात घटते, हे स्ट्रीमिंग कंपन्यांसाठी एक मोठे आर्थिक आव्हान आहे. हे टाळण्यासाठी आता प्लॅटफॉर्म्सनी 'प्रो कबड्डी लीग', जागतिक फुटबॉल लीग आणि टेनिस ग्रँड स्लॅम्ससारख्या खेळांच्या राइट्समध्ये गुंतवणूक वाढवली आहे.
बंडलिंग धोरणाची खेळी
कंपन्या आता प्रत्येक स्पर्धेकडून स्वतंत्र नफा मिळवण्यापेक्षा, प्रेक्षकांना वर्षभर ॲपवर खिळवून ठेवण्यावर भर देत आहेत. निश स्पोर्ट्सना मुख्य एंटरटेनमेंट सबस्क्रिप्शन प्लॅनमध्ये समाविष्ट करून (Bundling) सबस्क्रायबरचे 'लाईफटाईम व्हॅल्यू' वाढवण्याचा हा प्रयत्न आहे.
आर्थिक आव्हाने आणि जोखीम
निश स्पोर्ट्सपासून मिळणारे जाहिरात उत्पन्न हे IPL च्या तुलनेत खूपच कमी आहे. त्यामुळे, मीडिया राइट्सची मोठी किंमत वसूल करणे कंपन्यांसाठी कठीण ठरत आहे. जर सबस्क्रिप्शनमधून मिळणारा महसूल या खर्चापेक्षा कमी पडला, तर कंपन्यांच्या प्रॉफिट मार्जिनवर (Profit Margins) प्रचंड ताण येऊ शकतो.
ऑपरेशनल आव्हाने
बाजारात वाढलेली पायरेटेड स्ट्रीमिंगची समस्या आणि प्रेक्षकांमधील 'सबस्क्रिप्शन फॅटीग' (Subscrition fatigue) यामुळे कंपन्यांसमोर नवी संकटे आहेत. महागाईच्या काळात वार्षिक प्लॅन्सची किंमत वाढवणे ग्राहकांना परवडणारे नसते. याच कारणामुळे 'JioHotstar' सारखी मोठी विलीनीकरणे (Mergers) पाहायला मिळत आहेत, जेणेकरून मोठ्या प्रमाणावर रिसोर्सेस पूल करून हा खर्च पेलता येईल. गुंतवणूकदारांच्या नजरेतून, या कंपन्या स्पोर्ट्स प्रेक्षकांना चित्रपट किंवा वेब सीरिजसारख्या हाय-मार्जिन कंटेंकडे वळवू शकतात का, हे पाहणे महत्त्वाचे ठरेल.