IPL फ्रँचायझी Lucknow Super Giants मधील १५-२०% हिस्सा विकण्याचा निर्णय RPSG ग्रुपने घेतला आहे. कंपनी यातून तब्बल २ अब्ज डॉलर्सपर्यंतचे व्हॅल्युएशन मिळवण्याच्या प्रयत्नात आहे.
संजीव गोएंका यांच्या नेतृत्वाखालील RPSG ग्रुप आता आपल्या IPL फ्रँचायझी, Lucknow Super Giants (LSG) मधील मोठा वाटा विकण्याच्या विचारात आहे. सूत्रांच्या माहितीनुसार, कंपनी १५ ते २० टक्क्यांपर्यंत हिस्सा विक्रीसाठी गुंतवणूकदारांच्या शोधात आहे. विशेष म्हणजे, नोव्हेंबर २०२१ मध्ये ही टीम केवळ ८०० दशलक्ष डॉलर्सना खरेदी करण्यात आली होती, आता कंपनी त्याचे व्हॅल्युएशन १.५ ते २ अब्ज डॉलर्सपर्यंत नेण्याचे लक्ष्य ठेवत आहे.
Goldman Sachs ची एन्ट्री शक्य
या व्यवहाराचे व्यवस्थापन करण्यासाठी Goldman Sachs सारख्या मोठ्या इन्वेस्टमेंट बँकरशी चर्चा सुरू असल्याची चर्चा आहे. जरी अद्याप स्टॉक एक्स्चेंजवर अधिकृत घोषणा झालेली नसली, तरी Royal Challengers Bengaluru आणि Rajasthan Royals सारख्या टीम्सच्या मोठ्या डीलमुळे LSG चे मूल्यांकन वाढले आहे.
आर्थिक ताण आणि गरज
RPSG ग्रुपसाठी हा निर्णय आर्थिक नियोजनाच्या दृष्टीने अत्यंत महत्त्वाचा आहे. BCCI ला दरवर्षी फ्रँचायझी फी म्हणून सुमारे ₹७०९ कोटी भरावे लागतात, जे २०३१ पर्यंत कायम राहणार आहेत. सध्या या खर्चासाठी ग्रुपला प्रमोटर कॅपिटल आणि कर्जाचा आधार घ्यावा लागत आहे. हा हिस्सा विकून मिळालेल्या रकमेतून कर्जाचा डोंगर कमी करण्याचा कंपनीचा मानस आहे.
कामगिरीवर प्रश्नचिन्ह
अर्थात, या डिलचे यश हे टीमच्या मैदानातील कामगिरीवरही अवलंबून असेल. २०२६ च्या हंगामात लखनऊ टीमची कामगिरी निराशाजनक राहिली होती. त्यामुळे आता नवीन गुंतवणूकदार टीमच्या दीर्घकालीन ब्रँड व्हॅल्यू आणि मीडिया राईट्सवर किती विश्वास दाखवतात, हे पाहणे महत्त्वाचे ठरेल.