युद्धाचा फटका, Unilever ने घेतली मोठी भूमिका
Unilever च्या पर्सनल केअर बिझनेसचे प्रमुख Fabian Garcia यांनी कर्मचाऱ्यांच्या एका मेमोमध्ये म्हटले आहे की, 'जागतिक आर्थिक आणि भू-राजकीय वास्तव, विशेषतः मध्य पूर्वेतील संघर्षामुळे... येत्या काही महिन्यांसाठी काही महत्त्वपूर्ण आव्हाने निर्माण झाली आहेत.' याच कठीण बाजारपेठेतील परिस्थितीला (Market Conditions) तोंड देण्यासाठी Unilever ने हा भरती थांबवण्याचा निर्णय घेतला आहे. कंपनीने असेही म्हटले आहे की, 'बाजारपेठेतील परिस्थितीनुसार आम्ही नेहमीच आमच्या योजनांमध्ये आवश्यक बदल करत राहू'.
खर्च कपातीचा व्यापक प्रयत्न
हा नोकरभरतीवरचा ब्रेक Unilever च्या 2024 पासून सुरू असलेल्या खर्च कपातीच्या (Cost Saving) प्रयत्नांचाच एक भाग आहे. या प्रयत्नांमधून तीन वर्षांत अंदाजे 800 दशलक्ष युरो वाचवण्याचे लक्ष्य ठेवण्यात आले आहे. यापूर्वीही कंपनीने नोकऱ्यांमध्ये कपात केली आहे, ज्यामध्ये प्रामुख्याने ऑफिस स्टाफचा समावेश होता. कंपनीची कर्मचारी संख्या 2020 मध्ये सुमारे 1,49,000 होती, जी आता कमी होऊन 96,000 झाली आहे.
फूड बिझनेस विकण्याचीही चर्चा?
याव्यतिरिक्त, Unilever आपल्या फूड बिझनेस (Food Business) विकण्याची चर्चा McCormick & Company सोबत करत असल्याचीही बातमी आहे. CEO Fernando Fernandez यांच्या नेतृत्वाखाली हा एक महत्त्वाचा स्ट्रॅटेजिक (Strategic) बदल असू शकतो.