रिटेल क्षेत्रातील दिग्गज कंपनी Trent ने आता एका नवीन करारावर स्वाक्षरी केली आहे. याअंतर्गत आता Westside आणि Zudio स्टोअर्समध्ये जगप्रसिद्ध Caffe Nero चे कॉफी शॉप्स सुरू केले जाणार आहेत.
टाटा समूहाची रिटेल कंपनी Trent आता आपल्या स्टोअर स्ट्रॅटेजीत मोठा बदल करत आहे. लंडनस्थित कॉफी चेन 'Caffe Nero' सोबत कंपनीने हातमिळवणी केली आहे. या करारामुळे भविष्यात Westside आणि Zudio या दोन्ही आउटलेट्समध्ये Caffe Nero चे कॅफे पाहायला मिळणार आहेत. विशेष म्हणजे, टाटा स्टारबक्स (Tata Starbucks) सोबतची चर्चा फिस्कटल्यानंतर कंपनीने हा धोरणात्मक निर्णय घेतला आहे.
का तुटली टाटा स्टारबक्ससोबतची डील?
मीडिया रिपोर्ट्सनुसार, टाटा स्टारबक्ससोबत स्टोअर लेआउट आणि कॉफी आउटलेट्सच्या व्हिजिबिलिटीवरून मतभेद झाले होते, ज्यामुळे ती चर्चा पुढे जाऊ शकली नाही. यानंतर कंपनीच्या बोर्डमध्येही बदल झाले असून, हॅरीश भट यांनी 'Conflict of Interest' टाळण्यासाठी बोर्डमधून राजीनामा दिला आहे.
ग्राहकांना जास्त वेळ थांबवण्याचा प्रयत्न
रिटेल व्यवसायात 'Dwell Time' (ग्राहक स्टोअरमध्ये किती वेळ थांबतो) अत्यंत महत्त्वाचा असतो. ग्राहकांना जास्तीत जास्त वेळ स्टोअरमध्ये खिळवून ठेवल्यास विक्री वाढण्याची शक्यता असते. फॅशन मार्केटमध्ये चुरशीची स्पर्धा पाहता, स्वतः कॉफी बिझनेस हाताळण्याऐवजी Caffe Nero सारख्या तज्ज्ञ ब्रँडची मदत घेणे कंपनीला सोयीचे ठरेल.
गुंतवणुकदारांसाठी 'वॉच लिस्ट'
या मॉडेलच्या यशामध्ये काही आव्हाने आहेत:
- ऑपरेशनल कॉस्ट: फॅशन स्टोअरमध्ये किचन आणि कॉफी सर्व्हिस चालवण्यासाठी लागणारा खर्च वाढू शकतो.
- जागेचा वापर: भारतातील शहरी भागात रियल इस्टेटचे भाव गगनाला भिडले आहेत, त्यामुळे कॅफेसाठी लागणारी अतिरिक्त जागा परवडणारी ठरेल का, हे पाहणे महत्त्वाचे ठरेल.
- मार्जिन्सवर परिणाम: या बदलांमुळे कंपनीच्या मूळ फॅशन सेगमेंटच्या प्रॉफिट मार्जिन्सवर किती परिणाम होतो, याकडे गुंतवणूकदारांचे लक्ष असेल.