Decathlon India चे मोठे पाऊल! Kiprun ब्रँडमधून मिळवणार ₹१,००० कोटींचे रेव्हेन्यू

प्रीमियम सेगमेंटवर कंपनीची नजर

भारतात मॅरेथॉन आणि धावण्याच्या शर्यतींचे (Running events) प्रमाण २०१४ मधील ६०० वरून थेट २,००० च्या पलीकडे गेले आहे. हे बदलते कल लक्षात घेता, Decathlon ने आपल्या प्रीमियम 'Kiprun' ब्रँडसाठी ₹१,००० कोटींचा महसूल मिळवण्याचे महत्त्वाकांक्षी लक्ष्य ठेवले आहे. २०२४ पर्यंत स्पोर्ट्स मार्केट $४.९ अब्ज पर्यंत पोहोचण्याचा अंदाज आहे, ज्यामध्ये कंपनीला मोठा वाटा हवा आहे.

१०० दशलक्ष युरोची गुंतवणूक

या विस्तार योजनेसाठी कंपनीने १०० दशलक्ष युरोची मोठी गुंतवणूक जाहीर केली आहे. सध्या Decathlon च्या एकूण महसुलापैकी ६०% उत्पन्न हे भारतात बनवलेल्या उत्पादनांतून मिळते. इतकेच नाही तर, त्यांच्या स्टोअर्समध्ये विकल्या जाणाऱ्या फुटवेअरपैकी ५०% शूज हे भारतातच मॅन्युफॅक्चर होतात. स्थानिक उत्पादनावर भर देऊन सप्लाय चेन अधिक सक्षम करण्याचे कंपनीचे धोरण आहे.

तगडी स्पर्धा आणि विस्तार

Decathlon आता थेट Nike, Adidas आणि Puma सारख्या जागतिक दिग्गज कंपन्यांना आव्हान देण्याच्या तयारीत आहे. सध्या भारतात कंपनीची १३२ स्टोअर्स कार्यरत असून दरवर्षी १० नवीन आउटलेट्स जोडण्याची त्यांची योजना आहे. तसेच, 'क्विक कॉमर्स' (Quick Commerce) प्लॅटफॉर्मशी हातमिळवणी करून ग्राहकांना २ तासांत डिलिव्हरी देण्यावर कंपनी भर देत आहे.