Airbnb ने आपल्या धोरणात मोठा बदल जाहीर केला आहे. येत्या २० नोव्हेंबरपासून होस्टना पाहुण्यांकडून चेकआउटच्या वेळी बेडशीट काढणे किंवा भांडी घासणे यांसारखी कामे करून घेण्यास बंदी घालण्यात आली आहे.
नियम काय आहे?
Airbnb ने स्पष्ट केले आहे की, २० नोव्हेंबरपासून कोणतेही होस्ट पाहुण्यांवर बेड रिकामे करणे, कपडे धुणे किंवा कचरा काढणे यांसारखी सक्तीची कामे लादू शकणार नाहीत. गेली अनेक वर्षे ग्राहकांकडून तक्रारी येत होत्या की, भरमसाठ क्लिनिंग फी (Cleaning Fee) देऊनही त्यांना स्वतःहून घरकामाची जबाबदारी पार पाडावी लागत होती. आता या निर्णयामुळे प्रवाशांना मोठा दिलासा मिळणार आहे.
कंपनीची रणनीती काय?
कंपनीला प्रवाशांचा अनुभव अधिक चांगला आणि पारदर्शक बनवायचा आहे. अनेकदा बुकिंगच्या वेळी दिसणारे दर आणि प्रत्यक्ष चेकआउटच्या वेळी भरावे लागणारे पैसे यात मोठा फरक असायचा. या नव्या नियमांमुळे Airbnb आता हॉटेलसारख्या सोयीसुविधांकडे वाटचाल करत आहे, जेणेकरून ग्राहक पुन्हा पुन्हा बुकिंग करतील.
गुंतवणूकदारांसमोर आव्हान
या निर्णयाचा एक दुसरी बाजूही आहे. Airbnb हे एक 'टू-साईडेड मार्केटप्लेस' आहे, जिथे होस्टची संख्या टिकवून ठेवणे तितकेच महत्त्वाचे आहे. अनेक होस्ट्सना असे वाटते की, खाजगी घरांमध्ये हॉटेलसारखी क्लिनिंग टीम नसते, त्यामुळे थोडीफार मदत मिळणे गरजेचे आहे. जर होस्टना हे नियम जाचक वाटले आणि त्यांनी प्लॅटफॉर्म सोडला, तर पुरवठ्यावर (Supply) परिणाम होऊ शकतो. आता गुंतवणूकदार हे पाहत आहेत की, या बदलामुळे होस्टचे प्रमाण कमी होते की पाहुण्यांच्या संख्येत वाढ होते.