Govt ne announce kiya hai ki FY28 tak multi-state GST taxpayers ke liye faceless assessment system launch hoga. Ab audits aur tax notices honge automate, jisse approx 2 lakh businesses par direct asar padega.
Kya hai naya plan?
Finance Minister Nirmala Sitharaman ne saaf kar diya hai ki FY28 tak GST assessment ka tareeka badalne wala hai. Ab aapko tax officials ke chakkar nahi katne padenge, kyunki system faceless aur fully automated hone ja raha hai. Iska main maqsad hai audits aur tax notices ko ek centralized portal se handle karna.
Kin logon par hoga asar?
Ye change khaas taur par un 2 lakh taxpayers ke liye hai jo multiple states mein operate karte hain. Ab tak alag-alag states ke tax offices se deal karna padta tha, lekin ab sab kuch ek jagah se control hoga. Achhi baat ye hai ki iske liye GST Council ki alag se मंजूरी ki zaroorat nahi hai, toh implementation tezi se ho sakta hai.
Risk aur Challenges kya hain?
Experts ka kehna hai ki Income Tax ke purane faceless experiments mein kuch issues aaye the. Agar automated system ne sirf template-based notices bhej diye aur aapka exact response nahi samjha, toh disputes badh sakte hain. Businesses ko ab apna data aur records bilkul 100% accurate rakhne honge taaki koi confusion na ho.
Agli budget se pehle gov ek consultation paper release karegi. Tab tak ke liye, apni compliance team ko alert mode par rakhein!