HDFC AMC ab hybrid funds mein apni strategy badal raha hai kyunki market mein competition kaafi tight ho gaya hai. SIP ke inflow se retail investors toh abhi calm hain, lekin management ne warn kiya hai ki agar market lamba gira, toh investor ka behaviour badal sakta hai.
Hybrid Funds mein badhti competition
Market mein hybrid funds ka craze badh raha hai aur isi wajah se compitition bhi peak par hai. HDFC AMC ke Managing Director Navneet Munot ka kehna hai ki SIP ki wajah se retail investors ne market ke utaar-chadhaw ko abhi tak handle kiya hai. Lekin management ne saaf kiya hai ki agar market mein lamba 'Bear Run' chala, toh ye discipline test ho sakta hai, jo investors ke liye ek badi chinta ki baat ho sakti hai.
Product strategy mein बदलाव
Company apne Balanced Advantage Fund ke saath-saath ab multi-asset aur equity-savings funds par bhi focus kar rahi hai. Industry mein ab product differentiation bohot zaroori ho gaya hai, isliye HDFC AMC naye strategies par kaam kar raha hai taaki wo market share maintain kar sake.
Dividend ki umeed kam, Growth par focus
CFO Naozad Sirwalla ne bataya hai ki company ka pura focus abhi long-term growth par hai. Filhal wo extra cash ko share buybacks ya special dividends mein baantne ki jagah, apne naye Alternative Investment Platforms mein invest kar rahe hain. Iska matlab saaf hai—company abhi expansion mode mein hai aur cash ko business scale karne mein use kar rahi hai.
Investors ko ab ye track karna hoga ki ye naye platforms revenue mein kitna contribution dete hain. Tab tak ke liye, market ke halaat par nazar banaye rakhna zaroori hai.