ઓસ્ટ્રેલિયાના ઇન્ડિપેન્ડન્ટ સાંસદ Helen Haines પર તેમના કાર્યાલય બહાર કાર દ્વારા જીવલેણ હુમલો થયો છે. હાલ તેમની હાલત ક્રિટિકલ છે અને આ મામલે કાઉન્ટર-ટેરરિઝમ ટાસ્ક ફોર્સ તપાસ કરી રહી છે.
ઓસ્ટ્રેલિયાના વિક્ટોરિયા પ્રાંતના વાંગરાટા શહેરમાં આવેલી તેમની ઓફિસની બહાર સાંસદ Helen Haines ને એક વાહન દ્વારા ટક્કર મારવામાં આવી હતી. 65 વર્ષીય સાંસદને ગંભીર ઈજાઓ પહોંચતા તાત્કાલિક એરલિફ્ટ કરીને હોસ્પિટલમાં દાખલ કરવામાં આવ્યા છે.
શું છે સમગ્ર મામલો?
વડાપ્રધાન Anthony Albanese એ આ ઘટનાની પુષ્ટિ કરતા જણાવ્યું કે 43 વર્ષીય શંકાસ્પદ આરોપીને ઘટનાસ્થળે જ સ્થાનિક લોકોએ પકડી પાડ્યો હતો અને બાદમાં પોલીસને હવાલે કર્યો હતો. જોકે, પોલીસે જાહેર જનતા માટે કોઈ જોખમ ન હોવાનું જણાવ્યું છે, તેમ છતાં કાઉન્ટર-ટેરરિઝમ ટાસ્ક ફોર્સની સંડોવણી આ કેસની ગંભીરતા દર્શાવે છે.
નેતાઓની સુરક્ષા પર સવાલો
આ ઘટના બાદ ઓસ્ટ્રેલિયામાં રાજકીય પ્રતિનિધિઓ પર વધતા હુમલા અને ધમકીઓનો મુદ્દો ફરી ચર્ચામાં આવ્યો છે. તાજેતરના આંકડા મુજબ, સરકારી અધિકારીઓ અને નેતાઓ સામેની હિંસાના કિસ્સાઓ 951 થી વધીને 1,067 સુધી પહોંચ્યા છે. હોમ અફેર્સ મિનિસ્ટર Tony Burke એ પણ આ મામલે ચિંતા વ્યક્ત કરી છે અને તપાસ હજુ પ્રારંભિક તબક્કામાં હોવાનું જણાવ્યું છે.