Swiggy Instamart હવે પોતાના ડાર્ક સ્ટોર્સ પર Yuma Energy ના બેટરી સ્વેપિંગ કિયોસ્ક લગાવી રહ્યું છે. આ કવાયતનો મુખ્ય ઉદ્દેશ્ય ડિલિવરી પાર્ટનર્સના ચાર્જિંગ સમયને ઘટાડીને ડિલિવરી સ્પીડમાં વધારો કરવાનો અને ઇલેક્ટ્રિક વ્હીકલ (EV) ના ઉપયોગને પ્રોત્સાહન આપવાનો છે.
ડિલિવરી પાર્ટનર્સને મળશે મોટો ફાયદો
ક્વિક કોમર્સના આજના જમાનામાં ડિલિવરીની સ્પીડ એ જ સૌથી મોટો તફાવત છે. સામાન્ય રીતે એક ડિલિવરી પાર્ટનર દિવસ દરમિયાન 90 કિમી થી વધુ અંતર કાપે છે. પરંપરાગત ચાર્જિંગમાં ઘણો સમય બગડે છે, જેને કારણે વ્યસ્ત કલાકો દરમિયાન રાઈડર્સને ચાર્જિંગ માટે રસ્તો બદલવો પડે છે. હવે આ નવા બેટરી સ્વેપિંગ સ્ટેશન્સ દ્વારા પાર્ટનર્સ દરરોજ લગભગ 60 મિનિટ જેટલો સમય બચાવી શકશે. ખાસ વાત એ છે કે Yuma Energy ના કિયોસ્કમાં બેટરી બદલતા માત્ર 2 મિનિટ થી પણ ઓછો સમય લાગે છે.
ખર્ચમાં ઘટાડો અને EV અપનાવવાની પ્રોત્સાહન
Swiggy માત્ર ઇન્ફ્રાસ્ટ્રક્ચર જ નહીં, પરંતુ પાર્ટનર્સને આર્થિક મદદ પણ કરી રહ્યું છે. Yulu ઇલેક્ટ્રિક બાઇક્સ માટે ભાડામાં પ્રોત્સાહન આપીને, કંપનીએ મે મહિનાથી હજારો પાર્ટનર્સના ભાડા ખર્ચમાં 30% સુધીનો ઘટાડો કર્યો છે. આ ફેરફાર કંપનીના ગીગ વર્કફોર્સને જાળવી રાખવા માટે અત્યંત મહત્વનો છે.
હાલમાં આ પ્રોજેક્ટ બેંગલુરુથી શરૂ કરવામાં આવ્યો છે. કંપની પાસે પહેલેથી જ 50 થી વધુ EV પાર્ટનર્સનું નેટવર્ક છે. હવે જોવાનું એ રહેશે કે આ મોડેલ અન્ય શહેરોમાં કેટલી ઝડપથી ફેલાય છે અને તેનાથી કંપનીના ઓપરેશનલ ખર્ચ પર કેવી અસર પડે છે.