Ministry of Road Transport and Highways (MoRTH) એ હાઈવેની ગુણવત્તા માપવા માટે નવું રેટિંગ સિસ્ટમ રજૂ કર્યું છે. હવે સુરક્ષા, કાર્યક્ષમતા અને મુસાફરોનો અનુભવ નક્કી કરશે કે કયો હાઈવે શ્રેષ્ઠ છે.
રેટિંગ કયા આધારે નક્કી થશે?
સરકારે હવે હાઈવેના પ્રોજેક્ટ્સને માત્ર ઝડપી નિર્માણના આધારે નહીં, પરંતુ ત્રણ મુખ્ય પરિમાણો પર માપવાનું નક્કી કર્યું છે: ઓપરેશનલ કાર્યક્ષમતા, જાહેર સુરક્ષા અને યુઝર એક્સપિરિયન્સ. આ નવી સિસ્ટમમાં ટ્રાફિક મેનેજમેન્ટ, ટોલ પ્લાઝા પર લાગતી ભીડ અને રોડના પેવમેન્ટની ટકાઉશક્તિ જેવા કઠોર પેરામીટર્સ તપાસવામાં આવશે.
કંપનીઓ પર શું થશે અસર?
આ પહેલથી ખાસ કરીને EPC અને HAM મોડલ પર કામ કરતી કંપનીઓના ઓપરેશનમાં મોટો બદલાવ આવી શકે છે. જે કંપનીઓ સારા રેટિંગ મેળવશે, તેમને ભવિષ્યમાં સરકારી ટેન્ડરોમાં પ્રાથમિકતા મળી શકે છે. જોકે, તેનાથી મેન્ટેનન્સ પાછળ થતા ખર્ચમાં વધારો થવાની પણ પૂરી શક્યતા છે. જો રેટિંગ્સના કારણે સખત મેન્ટેનન્સના નિયમો લાગુ પડે, તો કંપનીઓએ પોતાના બજેટમાં પણ ફેરફાર કરવો પડશે.
સરકારનો ગતિ શક્તિ સાથે તાલમેલ
આ પગલું 'ગતિ શક્તિ' સ્કીમનો જ એક ભાગ છે, જેનો મુખ્ય હેતુ લોજિસ્ટિક્સ કોસ્ટ ઘટાડવાનો અને નેશનલ હાઈવે નેટવર્કને વિશ્વસ્તરીય બનાવવાનો છે. આગામી સમયમાં જ્યારે પહેલો રેન્કિંગ રિપોર્ટ આવશે, ત્યારે તે નક્કી કરશે કે કઈ કંપનીઓ આ નવા માપદંડો પર ખરી ઉતરે છે.