ગ્લોબલ માર્કેટમાં સબસ્ક્રાઇબર્સની સંખ્યા ઘટતા Match Group હવે ભારતીય માર્કેટ પર ફોકસ કરી રહ્યું છે. Tinder અને Hinge ના ગ્રોથ માટે કંપની રણનીતિ બનાવી રહી છે, પરંતુ સુરક્ષા અને ફ્રોડના પડકારો તેની સામે સૌથી મોટો અવરોધ છે.
ગ્લોબલ સ્તરે બિઝનેસમાં ઘટાડો અનુભવી રહેલી Match Group હવે ભારતને ગ્રોથનું નવું એન્જિન માની રહી છે. વધતા ઈન્ટરનેટ યુઝર્સ અને માર્કેટમાં રહેલી વિશાળ તકોને કારણે કંપની Tinder અને Hinge ના એક્સપાન્શન પર કામ કરી રહી છે. કંપની પર નાણાકીય દબાણ સ્પષ્ટ છે, કારણ કે 2025 માં Tinder ની ડાયરેક્ટ રેવન્યુ 4% ઘટીને $1.86 બિલિયન થઈ ગઈ હતી. એટલું જ નહીં, કંપનીના કુલ પેઈંગ યુઝર્સ પણ 14.1 મિલિયન થી ઘટીને 13.5 મિલિયન પર આવી ગયા છે.
Hinge પર કંપનીનો મોટો દાવ
જોકે, Hinge નું પ્રદર્શન પ્રોત્સાહક છે. જૂન ક્વાર્ટરમાં આ બ્રાન્ડની રેવન્યુ 22% વધીને $204 મિલિયન નોંધાઈ છે. કંપનીએ વર્ષ 2027 સુધીમાં Hinge ની વાર્ષિક રેવન્યુ $1 બિલિયન સુધી પહોંચાડવાનું લક્ષ્ય રાખ્યું છે, જેમાં ભારતીય માર્કેટનો ફાળો ખૂબ જ મહત્વનો સાબિત થઈ શકે છે.
સુરક્ષાના પડકારો અને સરકારી ચેતવણીઓ
ભારતમાં પ્રવેશવાની આ યોજના સામે અનેક પડકારો છે. 'Indian Cybercrime Coordination Centre' એ ચેતવણી આપી છે કે ડેટિંગ એપ્સનો ઉપયોગ ફ્રોડ અને ક્રિપ્ટોકરન્સી સ્કેમ્સ માટે કરવામાં આવી રહ્યો છે. યુઝર્સને ફસાવીને તેમની સાથે નાણાકીય છેતરપિંડી કે બ્લેકમેલિંગના બનાવો ચિંતાનો વિષય છે. અમેરિકામાં પણ સેનેટર મેગી હસન દ્વારા Tinder ની ફ્રોડ-ડિટેક્શન સિસ્ટમ પર સવાલો ઉઠાવવામાં આવ્યા હતા.
આ તમામ બાબતોને પહોંચી વળવા Match Group હવે વીડિયો-સેલ્ફી વેરિફિકેશન અને કોન્ટેક્ટ બ્લોકિંગ જેવા ફીચર્સ લોન્ચ કરી રહી છે. જોકે, આ ટેકનોલોજી અને મોડરેશન પાછળ થનારો ખર્ચ કંપનીના પ્રોફિટ માર્જિન પર કેટલી અસર કરશે, તે જોવું રસપ્રદ રહેશે.