Glance પર L Cattertonનો દાવ! AI શોપિંગ દ્વારા અમેરિકન માર્કેટમાં એન્ટ્રીની તૈયારી

અમેરિકન માર્કેટમાં એન્ટ્રીની રણનીતિ

કન્ઝ્યુમર-ફોકસ્ડ પ્રાઈવેટ ઈક્વિટી ફર્મ L Catterton હવે ભારતીય મૂળના Glance સાથે જોડાઈ છે. આ રોકાણનો ઉદ્દેશ્ય અમેરિકાના યુઝર્સને મોબાઈલ અને કનેક્ટેડ ટીવી પર સીધું જ 'એજન્ટિક કોમર્સ' પૂરું પાડવાનો છે. Glance પહેલેથી જ Samsung, Motorola અને DIRECTV જેવી દિગ્ગજ કંપનીઓ સાથે જોડાયેલું છે.

પરંપરાગત ઈ-કોમર્સ કરતા અલગ મોડલ

Glance નું મોડલ Amazon કે Google થી સાવ અલગ છે. આ પ્લેટફોર્મ યુઝર દ્વારા સર્ચ કરવાની રાહ જોવાને બદલે, AI નો ઉપયોગ કરીને યુઝરની પસંદગીનું અનુમાન લગાવે છે અને લોક સ્ક્રીન પર જ પ્રોડક્ટના સૂચનો આપે છે. આનાથી યુઝર કંઈ પણ સર્ચ કરે તે પહેલાં જ તેમને શોપિંગ માટે તૈયાર કરી શકાય છે.

સામે છે મોટા પડકારો

જોકે, અમેરિકન માર્કેટમાં Glance માટે રસ્તો સરળ નથી. અમેરિકન યુઝર્સ તેમની પ્રાઈવસી બાબતે ખૂબ જ જાગૃત છે. લોક સ્ક્રીન પર સતત આવતી જાહેરાતો અને પ્રોડક્ટ સૂચનોને કારણે 'નોટિફિકેશન ફેટિગ' (Notification Fatigue) જેવી સમસ્યા સર્જાઈ શકે છે. આ ઉપરાંત, ત્યાંના સ્થાપિત રિટેલ પ્લેટફોર્મ્સ સાથે સ્પર્ધા કરવી અને પ્રાઈવસીના કડક નિયમોનું પાલન કરવું એ કંપની માટે સૌથી મોટી કસોટી રહેશે.