જાપાનની દિગ્ગજ કંપનીઓ GMO Internet Group અને Park24 પર થયેલા ભયાનક સાયબર હુમલાને કારણે રોકાણકારો ચિંતામાં છે. ડેટા બ્રીચના કારણે કંપનીઓને ગ્રાહકોને વળતર ચૂકવવું પડી રહ્યું છે, જેની સીધી અસર તેમના શેરના ભાવ પર જોવા મળી છે.
જાપાનની અગ્રણી કંપનીઓ અત્યારે સાયબર સુરક્ષાના ગંભીર પડકારોનો સામનો કરી રહી છે. સાયબર હુમલાની ઘટનાઓમાં થયેલા અચાનક વધારાને કારણે કંપનીઓના ઓપરેશનલ ખર્ચ અને આર્થિક સ્થિતિ પર દબાણ વધ્યું છે.
GMO Internet Group ને મોટો ફટકો
GMO Internet Group ના ફોરેક્સ પ્લેટફોર્મ પર સાયબર હુમલો થયો છે. કંપનીએ દરેક યુઝરને 5,000 યેનનું વળતર આપવાની જાહેરાત કરી છે. ખાસ વાત એ છે કે કંપનીએ રેન્સમવેરની માંગને ફગાવીને કાયદાકીય મદદ લેવાનો નિર્ણય કર્યો છે, પરંતુ આ સમાચાર બાદ રોકાણકારોએ વેચવાલી શરૂ કરતા શેરના ભાવ 14% સુધી ગગડીને ૪ મહિનાના તળિયે પહોંચી ગયા હતા.
Park24 પર આર્થિક બોજ
બીજી તરફ, 'Times' કાર-શેરિંગ સર્વિસ ચલાવતી કંપની Park24 પણ ડેટા લીકના વિવાદમાં ફસાઈ છે. કંપનીએ આ સુરક્ષા ખામીને સુધારવા અને ગ્રાહકોને વળતર આપવા માટે 5.5 અબજ યેનનો વધારાનો ખર્ચ (Extraordinary loss) કરવો પડશે. કંપનીએ હવે ગ્રાહકોના ડોક્યુમેન્ટ્સના ફોટા સુરક્ષિત ન રાખવાનો મહત્વનો નિર્ણય લીધો છે.
જાપાનમાં વધી રહ્યા છે સાયબર ક્રાઈમ્સ
જાપાનમાં આ વર્ષે ઓક્ટોબર સુધીમાં 723 જેટલી સાયબર સુરક્ષા સંબંધિત ઘટનાઓ નોંધાઈ છે, જે પાછલા વર્ષો કરતા ઘણી વધારે છે. AI ના વધતા ઉપયોગ અને PHP પ્રોગ્રામિંગ લેંગ્વેજમાં રહેલી ખામીઓને કારણે સરકારી અને ખાનગી વેબસાઈટ્સ હેકર્સના નિશાના પર છે. જાપાન સરકાર પણ હવે આ જોખમને પહોંચી વળવા માટે AI-આધારિત સંરક્ષણ સિસ્ટમ તૈયાર કરી રહી છે.