ભારત સરકાર હવે ઓનલાઈન ચાઈલ્ડ એબ્યુઝ અટકાવવા માટે AI-આધારિત સિસ્ટમ ઝડપથી લોન્ચ કરવા જઈ રહી છે. ટેક કંપનીઓ માટે આ એક મોટો ફેરફાર છે, જેનાથી ઓપરેશનલ ખર્ચ વધવાની શક્યતા છે.
ભારત સરકારે હવે ડિજિટલ સેફ્ટીના મોરચે મોટું પગલું ભર્યું છે. મહિલા અને બાળ વિકાસ મંત્રાલય તથા નેશનલ કમિશન ફોર પ્રોટેક્શન ઓફ ચાઈલ્ડ રાઈટ્સ (NCPCR) દ્વારા એક ખાસ AI ટૂલ વિકસાવવામાં આવી રહ્યું છે, જેનો મુખ્ય ઉદ્દેશ્ય ઓનલાઈન બાળ શોષણને લગતી સામગ્રીને પ્રો-એક્ટિવ રીતે ઓળખીને બ્લોક કરવાનો છે.
રોકાણકારો માટે શું છે સંકેત?
આ પહેલ માત્ર સુરક્ષા માટે નથી, પરંતુ ટેક સેક્ટર માટે નિયમનકારી વાતાવરણમાં મોટો બદલાવ લાવી રહી છે. અત્યાર સુધી જે કંપનીઓ રિએક્ટિવ મોડરેશન (Reactive Moderation) પર કામ કરતી હતી, તેમને હવે ઓટોમેટેડ અને પ્રો-એક્ટિવ અમલીકરણ તરફ વળવું પડશે. પરિણામે, મોટી સોશિયલ મીડિયા કંપનીઓએ AI ટેકનોલોજી અને સ્પેશિયલ કમ્પ્લાયન્સ ટીમ પાછળ મોટો ખર્ચ કરવો પડશે.
Meta પર નજર
Meta પહેલેથી જ સરકારી રડાર પર છે. કંપનીએ ભારતમાંથી વર્ષ 2026 ના પ્રથમ છ મહિનામાં 53 લાખ જેટલી ચાઈલ્ડ એક્સપ્લોઈટેશન કન્ટેન્ટ દૂર કરી છે. કંપનીએ હવે ઈન્ડિયન સાયબર ક્રાઈમ કોઓર્ડિનેશન સેન્ટર (I4C) ને સીધા રિપોર્ટ કરવાનું શરૂ કર્યું છે.
કડક નિયમોની અસર
આગામી સમયમાં IT Act અંતર્ગત નિયમો વધુ કડક બનશે. જે કંપનીઓ આ નવા ધોરણોનું પાલન કરવામાં નિષ્ફળ જશે, તેમને કાયદાકીય કાર્યવાહી અને દંડનો સામનો કરવો પડી શકે છે. 31 ડિસેમ્બર 2026 સુધીની ડેડલાઈન આ બાબતે ખૂબ જ મહત્વની માનવામાં આવી રહી છે. રોકાણકારોએ હવે આ કંપનીઓના માર્જિન અને ઓપરેશનલ ખર્ચમાં આવનારા વધારા પર ચાંપતી નજર રાખવી પડશે.