Block, Inc. એ 'Dessa' નામનું નવું AI વોઈસ મોડલ રજૂ કર્યું છે. આ ટેક્નોલોજી હૂબહૂ માણસની જેમ વાત કરી શકે છે અને ખાસ વાત એ છે કે તે ક્લાઉડને બદલે લોકલ હાર્ડવેર પર ચાલી શકે છે.
શું છે 'Dessa' ની ખાસિયત?
Block, Inc. દ્વારા ડેવલપ કરવામાં આવેલું આ નવું AI મોડલ 'Dessa' સામાન્ય AI કરતા અલગ છે. મોટાભાગના વોઈસ આસિસ્ટન્ટ ટેક્સ્ટને સ્પીચમાં કન્વર્ટ કરે છે, જેનાથી અવાજ રોબોટિક લાગે છે. જ્યારે Dessa સીધા જ માનવીય ઓડિયો પર ટ્રેઈન થયું છે, જે તેને હસવું, અટકવું અને લાગણીઓ દર્શાવવામાં સક્ષમ બનાવે છે.
ઓપરેશનલ ખર્ચમાં ઘટાડાની શક્યતા
આ મોડલની સૌથી મોટી ખાસિયત તે લોકલ હાર્ડવેર પર ચાલી શકે છે તે છે. ઉદાહરણ તરીકે, MacBook M4 Max જેવા ડિવાઈસ પર તે સરળતાથી કાર્ય કરી શકે છે. ક્લાઉડ-આધારિત ઇન્ફ્રાસ્ટ્રક્ચર પર નિર્ભરતા ઘટવાથી કંપનીનો ખર્ચ પણ ઘટશે અને પ્રોસેસિંગમાં લાગતો સમય (Latency) પણ ઓછો થશે. કંપનીના Square પ્લેટફોર્મ સાથે જોડાયેલા નાના વેપારીઓ માટે આ ટેક્નોલોજી કસ્ટમર સપોર્ટમાં ગેમ-ચેન્જર સાબિત થઈ શકે છે.
સુરક્ષા અને સાવચેતી
જોકે, કંપનીએ આ ટેક્નોલોજીને હાલ પબ્લિક માટે ઓપન કરી નથી. AI દ્વારા થતી છેતરપિંડી અને વોઈસ ફ્રોડના જોખમને ધ્યાનમાં રાખીને Block અત્યારે તેને ફક્ત સેફ્ટી રિસર્ચર્સ માટે ઉપલબ્ધ કરાવી રહી છે. રોકાણકારો હવે તે જોશે કે કંપની આ ટેક્નોલોજીને કેવી રીતે કોમર્શિયલ બનાવે છે અને રેગ્યુલેટરી પડકારોને કેવી રીતે હેન્ડલ કરે છે.