Alphabet, Meta અને TikTok એ California ના નવા 'Assembly Bill 1709' ને કોર્ટમાં પડકાર્યો છે. આ કાયદો ૧૬ વર્ષથી નાની વયના યુઝર્સ માટે પર્સનલાઇઝ્ડ ફીડ્સ અને ઓટો-પ્લે જેવી સુવિધાઓ પર પ્રતિબંધ લાદે છે, જે ટેક કંપનીઓના રેવન્યુ મોડેલ પર મોટી અસર કરી શકે છે.
કેસની પૃષ્ઠભૂમિ
10 સપ્ટેમ્બર ના રોજ California માં એક નવા કાયદા પર હસ્તાક્ષર કરવામાં આવ્યા છે, જેનો અમલ 1 જાન્યુઆરી, 2027 થી થવાનો છે. આ કાયદો ટેક પ્લેટફોર્મ્સને 16 વર્ષ થી ઓછી વયના યુઝર્સ માટે ઓટો-પ્લે વીડિયો અને એલ્ગોરિધમ આધારિત કન્ટેન્ટ રિકોમેન્ડેશન્સ પર લગામ લગાવવા મજબૂર કરે છે.
રોકાણકારો માટે શા માટે ચિંતા?
ટેક કંપનીઓનું આખું બિઝનેસ મોડેલ યુઝર્સના 'એન્ગેજમેન્ટ' પર ટકેલું છે. પર્સનલાઇઝ્ડ ફીડ્સ અને ઓટો-પ્લે સુવિધા દ્વારા જ કંપનીઓ યુઝર્સને એપ પર લાંબો સમય રોકી રાખે છે, જેમાંથી તેમને મોટી જાહેરાતની આવક મળે છે. જો આ સુવિધાઓ બંધ કરવી પડે, તો એપ પર વિતાવેલો સમય (Time Spent) ઘટી શકે છે, જે સીધી અસર Revenue Growth પર કરી શકે છે.
કાનૂની દલીલો
ટેક કંપનીઓએ ફેડરલ કોર્ટમાં દલીલ કરી છે કે આ કાયદો બંધારણીય રીતે ખોટો છે અને તે તેમના First Amendment (અભિવ્યક્તિની સ્વતંત્રતા) ના અધિકારનું ઉલ્લંઘન કરે છે. આ ઉપરાંત, કંપનીઓ Section 230 નો હવાલો આપી રહી છે, જે તેમને યુઝર્સના કન્ટેન્ટ અને એલ્ગોરિધમ ડિલિવરી માટે કાયદાકીય સુરક્ષા આપે છે.
આ માત્ર એક રાજ્યનો વિવાદ નથી, પરંતુ ટેક જાયન્ટ્સ અને રેગ્યુલેટર્સ વચ્ચેનો મોટો સંઘર્ષ છે. હવે રોકાણકારોની નજર એ વાત પર રહેશે કે ફેડરલ કોર્ટ આ દલીલોને કેવી રીતે જુએ છે, કારણ કે જો આ કાયદો લાગુ થાય, તો અન્ય રાજ્યો પણ આવા નિયમો લાવી શકે છે જે ટેક જાયન્ટ્સ માટે મોટો આર્થિક પડકાર બની શકે છે.