ચોથા ક્વાર્ટર (Q4) ના નબળા નાણાકીય પરિણામો અને CEO બદલાવના સમાચારે PayPal ના રોકાણકારોને મોટો ઝટકો આપ્યો. કંપનીએ $1.23 EPS અને $8.68 બિલિયન રેવન્યુ નોંધાવી, જે એનાલિસ્ટની અપેક્ષાઓ કરતાં ઓછી રહી. આ ઉપરાંત, માર્ચ 2026 માં Enrique Lores નવા CEO તરીકે ચાર્જ સંભાળશે, જયારે Jamie Miller interim CEO તરીકે વિદાય લેશે.
PayPal ના મુખ્ય બિઝનેસ, એટલે કે ઓનલાઈન ચેકઆઉટ ગ્રોથમાં પણ મોટો ઘટાડો જોવા મળ્યો. PayPal-branded ઓનલાઈન ચેકઆઉટ ગ્રોથ વાર્ષિક ધોરણે (YoY) માત્ર 1% રહ્યો, જે અગાઉના 6% ની સરખામણીમાં ખુબ ઓછો છે. આ દર્શાવે છે કે કંપની તેની ગતિ ગુમાવી રહી છે.
આ બધાની વચ્ચે, PayPal ના ભૂતપૂર્વ પ્રેસિડેન્ટ David Marcus, જેમણે Braintree અને Venmo ના અધિગ્રહણમાં મહત્વનો ભાગ ભજવ્યો હતો, તેમણે કંપનીની વ્યૂહરચના (Strategy) પર ગંભીર પ્રશ્નો ઉઠાવ્યા. લગભગ 10+ વર્ષ બાદ જાહેરમાં બોલતા તેમણે કહ્યું કે PayPal એ તેનો 'mojo' અને પ્રોડક્ટ એજ ગુમાવી દીધી છે. Marcus અનુસાર, કંપનીએ પ્રોડક્ટ ઇનોવેશન અને લાંબા ગાળાના માર્કેટ પોઝિશનિંગને બદલે ટૂંકા ગાળાના નાણાકીય લાભો પર ધ્યાન કેન્દ્રિત કર્યું, જેના કારણે તે લેન્ડિંગ, BNPL (Buy Now Pay Later) અને પોતાની પેમેન્ટ નેટવર્ક જેવી મહત્વપૂર્ણ ગ્રોથ એરિયાઝ ચૂકી ગઈ. તેમણે 'branded checkout' કરતાં 'unbranded checkout' ને પ્રાધાન્ય આપવાની ટીકા કરી, જેણે માર્જિન અને ડેટાની કિંમતે માત્ર વોલ્યુમ વધાર્યું. તેમણે ભૂતપૂર્વ CEO Alex Chriss ના નેતૃત્વની પણ ટીકા કરી, કહ્યું કે અનુભવી પેમેન્ટ લીડર્સના વિદાયથી કંપનીનું નુકસાન થયું.
હાલના બજારમાં, PayPal ની વેલ્યુએશન તેના પ્રતિસ્પર્ધીઓ સામે નબળી દેખાઈ રહી છે. Visa અને Mastercard જેવા પેમેન્ટ નેટવર્ક્સ 30-40x P/E ratio પર ટ્રેડ થઈ રહ્યા છે, જયારે PayPal નો P/E ratio 25x ની આસપાસ છે. Block (SQ) જેવી ફિનટેક કંપનીઓ ભવિષ્યની સંભાવનાઓના આધારે વધુ વોલેટાઈલ મલ્ટિપલ્સ ધરાવે છે. Adyen (ADYEN) જેવી કંપનીઓ 40-50x P/E ratio સાથે મજબૂત એન્ટરપ્રાઇઝ એડોપ્શન દર્શાવે છે. PayPal એ 2022-2023 માં પણ વોલેટિલિટી જોઈ છે, પરંતુ આ ઘટાડો આંતરિક વ્યૂહાત્મક મુદ્દાઓ અને કોર બિઝનેસમાં ઘટાડા સાથે જોડાયેલો છે. એનાલિસ્ટ હવે PayPal ના આઉટલૂકને ડાઉનગ્રેડ કરે તેવી શક્યતા છે. Enrique Lores, જેઓ અલગ ઉદ્યોગમાંથી આવે છે, તેમનું મુખ્ય કાર્ય રોકાણકારોનો વિશ્વાસ પાછો મેળવી, નવીનતાને વેગ આપવાનું રહેશે.