માર્કેટ રેગ્યુલેટર SEBI એ રોકાણકારો અને મધ્યસ્થીઓ માટે મોટા સુધારા જાહેર કર્યા છે. હવે PMS માટે IPO માં રોકાણ કરવું સરળ બનશે, જ્યારે FPI ને કોમોડિટી ડેરિવેટિવ્સમાં એન્ટ્રી મળી છે.
માર્કેટ રેગ્યુલેટર SEBI એ ૨૪ સપ્ટેમ્બર, ૨૦૨૬ના રોજ માર્કેટના માળખાને આધુનિક બનાવવા માટે ઘણા મોટા ફેરફારોની જાહેરાત કરી છે. આ સુધારાઓનો મુખ્ય હેતુ માર્કેટમાં લિક્વિડિટી વધારવાનો અને રોકાણની પ્રક્રિયાને સરળ બનાવવાનો છે.
પોર્ટફોલિયો મેનેજમેન્ટ (PMS) માટે નવી તકો
હવે PMS પ્રોવાઇડર્સ માટે રોકાણના વિકલ્પો વધારી દેવામાં આવ્યા છે. નવા નિયમો મુજબ, PMS મેનેજર્સ હવે IPO અને પ્રાયમરી માર્કેટના ડેટ ઇન્સ્ટ્રુમેન્ટ્સમાં રોકાણ કરી શકશે. આ માટે ₹25 લાખ ની લિમિટ સાથે નવો PRIM રૂટ શરૂ કરાયો છે. ઉપરાંત, ક્લાયન્ટની મંજૂરી સાથે કુલ એસેટ્સના 10% સુધીનું રોકાણ અનલિસ્ટેડ ડેટમાં કરી શકાશે.
FPI ને કોમોડિટી માર્કેટમાં એન્ટ્રી
વિદેશી પોર્ટફોલિયો ઇન્વેસ્ટર્સ (FPI) હવે નોન-એગ્રીકલ્ચર કોમોડિટી ડેરિવેટિવ્સમાં ભાગ લઈ શકશે. જોકે, જોખમ ઘટાડવા માટે SEBI એ ફરજિયાત કર્યું છે કે ફિઝિકલ ડિલિવરી પહેલા FPI એ તેમના પોઝિશન સ્ક્વેર ઓફ કે રોલ ઓવર કરવા પડશે.
AIF અને અન્ય ફેરફારો
Alternative Investment Funds (AIF) માટે એક્રેડિટેશન નોર્મ્સ બદલાયા છે. હવે વ્યક્તિગત રોકાણકાર માટે ₹5 કરોડ અને કોર્પોરેટ માટે ₹20 કરોડ ની એસેટ્સ મર્યાદા નક્કી કરવામાં આવી છે. આ ઉપરાંત, સેટલમેન્ટ પ્રક્રિયાને ઝડપી બનાવવા માટે ₹10 લાખ થી નીચેના ક્લેમ માટે ફાસ્ટ-ટ્રેક સિસ્ટમ લાવવામાં આવી છે.
REITs, InvITs અને એડવર્ટાઈઝિંગ નિયમો
લિસ્ટેડ REITs અને InvITs હવે વિદેશમાં ડિપોઝિટરી રિસીપ્ટ્સ (DRs) જારી કરી શકશે. સાથે જ, SEBI એ તમામ માર્કેટ મધ્યસ્થીઓ માટે યુનિફાઈડ એડવર્ટાઈઝિંગ કોડ લાગુ કર્યો છે, જેમાં સેલિબ્રિટી એન્ડોર્સમેન્ટ માટે સ્પષ્ટ ગાઈડલાઈન્સ આપવામાં આવી છે.