SEBI નો મોટો નિર્ણય: SME IPO ના નિયમોમાં ફેરફાર, લિસ્ટિંગ સરળ બનશે પણ પ્રોફિટની શરતો કડક

બદલાતા નિયમો અને તેના પ્રભાવ

માર્કેટ રેગ્યુલેટર SEBI એ SME લિસ્ટિંગ ફ્રેમવર્કને રિસ્ટ્રક્ચર કરવાનો નિર્ણય લીધો છે. અત્યાર સુધી કંપનીઓએ 3 વર્ષ સુધી માર્કેટ મેકર રાખવું પડે છે અને 5% સિક્યોરિટીઝનું ઈન્વેન્ટરી મેઈન્ટેન કરવું પડે છે. ઉપરાંત, SME IPO માં 100% અંડરરાઈટિંગ ફરજિયાત છે. આ નિયમો હટાવવાથી કંપનીઓનો ખર્ચ તો ઘટશે, પરંતુ માર્કેટ નિષ્ણાતોને ડર છે કે માર્કેટ-મેકર વગર લિક્વિડિટીની સમસ્યા ઊભી થઈ શકે છે.

પ્રોફિટનું ધોરણ હવે કડક

લિસ્ટિંગ પ્રક્રિયાને સરળ બનાવવાની સાથે SEBI એ ક્વોલિટી સુધારવા માટે નાણાકીય માપદંડો વધાર્યા છે. હવે કંપનીએ છેલ્લા ત્રણ વર્ષનો સરેરાશ ઓપરેટિંગ પ્રોફિટ ઓછામાં ઓછો ₹3 કરોડ દર્શાવવો પડશે, જે અત્યાર સુધી ફક્ત ₹1 કરોડ હતો. બીજી તરફ, રિટેલ રોકાણકારોને આકર્ષવા માટે મિનિમમ એપ્લિકેશન વેલ્યુ ઘટાડીને ₹1 લાખ કરવાની અને સિંગલ-શેર લોટમાં ટ્રેડિંગની મંજૂરી આપવાની દરખાસ્ત છે.

SME માર્કેટની સ્થિતિ

B2K Analytics ના ડેટા મુજબ, જુલાઈ-સપ્ટેમ્બર 2026 ના ક્વાર્ટરમાં BSE SME અને NSE Emerge દ્વારા કુલ ₹3,791.67 કરોડ એકત્ર કરવામાં આવ્યા હતા, જે અગાઉના ત્રણ મહિના કરતા લગભગ બમણી રકમ છે. આ વધતા આંકડાઓને જોતા SEBI માર્કેટની સુરક્ષા માટે આ મહત્વપૂર્ણ ફેરફારો કરવા જઈ રહ્યું છે. આ પ્રસ્તાવ પર 4 નવેમ્બર, 2026 સુધી જાહેર જનતા પાસેથી અભિપ્રાયો માંગવામાં આવ્યા છે.