માર્કેટમાં વોલેટિલિટી ઘટાડવા માટે SEBI એ Closing Auction Session (CAS) માં સુધારાનો પ્રસ્તાવ મૂક્યો છે. આ નવા નિયમોમાં સેટલમેન્ટ પ્રાઈસ કેલ્ક્યુલેશન અને ટ્રેડિંગ ટાઈમિંગમાં ફેરફારની તૈયારી છે.
માર્કેટ રેગ્યુલેટર SEBI એ ટ્રેડિંગ ડેની છેલ્લી મિનિટોમાં માર્કેટ કેવી રીતે કામ કરશે તેમાં મોટા ફેરફારો લાવવાની તૈયારી કરી છે. ૩ ઓગસ્ટ, ૨૦૨૬ ના રોજ શરૂ થયેલા Closing Auction Session (CAS) પછી જોવા મળેલી વોલેટિલિટી અને લિક્વિડિટીની સમસ્યાને ઉકેલવા માટે આ પગલું લેવામાં આવ્યું છે.
સેટલમેન્ટ પ્રાઈસમાં બદલાવની શક્યતા
ડેરિવેટિવ ટ્રેડર્સ માટે સૌથી મહત્વની વાત એ છે કે એક્સપાયરીના દિવસે સેટલમેન્ટ પ્રાઈસ કેવી રીતે નક્કી થશે. હાલમાં, આ પ્રાઈસ છેલ્લા ૩૦ મિનિટના વોલ્યુમ-વેઈટેડ એવરેજ પ્રાઈસ (VWAP) પર આધારિત છે. SEBI હવે એક 'બ્લેન્ડેડ' એપ્રોચ વિચારી રહી છે, જેમાં છેલ્લા ૩૦ મિનિટના ટ્રેડિંગ અને ૧૦ મિનિટના Closing Auction Session બંનેનો સમાવેશ થાય. આ ફેરફાર સીધો ટ્રેડર્સના પ્રોફિટ અને લોસને અસર કરી શકે છે.
ઓર્ડર મેનીપ્યુલેશન પર કડક લગામ
છેલ્લી મિનિટોમાં થતી હેરાફેરી રોકવા માટે SEBI ઓર્ડર કેન્સલેશન પર કડક નિયમો લાવવા માંગે છે. જે ઓર્ડર્સ રેફરન્સ પ્રાઈસથી ૧% કરતા વધુ દૂર હશે, તેને લોક કરવામાં આવશે. આનો મુખ્ય હેતુ ખોટી રીતે પ્રાઈસ મુવમેન્ટ ઉભી કરતા અટકાવવાનો છે. વધુમાં, રોકાણકારોમાં થતી મૂંઝવણ દૂર કરવા માટે હવેથી Closing Auction દરમિયાન IIV (Indicative Index Values) દર્શાવવાનું બંધ કરવામાં આવી શકે છે.
ટાઈમિંગમાં પણ ફેરફાર
ઓપરેશનલ એફિશિયન્સી માટે SEBI એ બે વિકલ્પો આપ્યા છે:
- વિકલ્પ ૧: CAS-એલિજિબલ સ્ટોક્સ માટે કંટીન્યુઅસ ટ્રેડિંગ ૩:૩૦ pm સુધી રાખવું અને ડેરિવેટિવ માર્કેટ ૩:૪૫ pm સુધી ચલાવવું.
- વિકલ્પ ૨: હાલના ૩:૧૫ pm ના કટ-ઓફને જાળવી રાખવો.
આ પ્રસ્તાવ પર રોકાણકારો, બ્રોકર્સ અને અન્ય સ્ટેકહોલ્ડર્સ ૩ ઓક્ટોબર, ૨૦૨૬ સુધી પોતાનો પ્રતિસાદ આપી શકે છે.