ગણેશ ચતુર્થીના તહેવાર નિમિત્તે આજે, ૧૪ સપ્ટેમ્બર ૨૦૨૬ના રોજ ભારતીય શેરબજાર BSE અને NSE માં કામકાજ બંધ રહેશે. ઇક્વિટી અને ડેરિવેટિવ સેગમેન્ટમાં કોઈ ટ્રેડિંગ થશે નહીં.
ગણેશ ચતુર્થીના પવિત્ર તહેવારને લઈને આજે ૧૪ સપ્ટેમ્બર ૨૦૨૬ના રોજ ભારતીય શેરબજારમાં રજા છે. BSE અને નેશનલ સ્ટોક એક્સચેન્જ (NSE) માં ઇક્વિટી, ડેરિવેટિવ્સ અને સિક્યોરિટીઝ લેન્ડિંગ એન્ડ બોરોઇંગમાં કોઈ પણ પ્રકારનું સેટલમેન્ટ કે કામકાજ થશે નહીં. રોકાણકારોએ નોંધ લેવી કે ટ્રેડિંગ હવે સીધું મંગળવાર, ૧૫ સપ્ટેમ્બર ૨૦૨૬ના રોજ રાબેતા મુજબ શરૂ થશે.
કોમોડિટી માર્કેટનું શેડ્યૂલ
ઈક્વિટી માર્કેટ સંપૂર્ણપણે બંધ હોવા છતાં, કોમોડિટી માર્કેટ માટે અલગ નિયમ છે. મલ્ટી કોમોડિટી એક્સચેન્જ (MCX) માં સવારનું સત્ર બંધ રહેશે, પરંતુ સાંજનું સત્ર સાંજે ૫:૦૦ વાગ્યાથી રાત્રે ૧૧:૩૦ વાગ્યા સુધી કાર્યરત રહેશે. તેની સામે નેશનલ કોમોડિટી એન્ડ ડેરિવેટિવ્ઝ એક્સચેન્જ (NCDEX) આજે આખો દિવસ બંધ રહેશે.
રોકાણકારો માટે મહત્વની ટિપ્સ
આજે બજાર બંધ હોવાને કારણે સતત ૩ દિવસની રજાનો માહોલ છે. ગ્લોબલ માર્કેટ ચાલુ હોવાથી મંગળવારે જ્યારે સ્થાનિક બજાર ખુલશે ત્યારે વૈશ્વિક ઘટનાઓ અને ક્રૂડ ઓઈલના ભાવની અસર જોવા મળી શકે છે. બજારમાં અસ્થિરતા (Volatility) રહેવાની શક્યતાને ધ્યાનમાં રાખીને રોકાણકારોએ વૈશ્વિક ઘટનાઓ પર નજર રાખવી જોઈએ.
બેંકિંગ સેવાઓ
બેંકની રજાઓ પ્રાદેશિક સ્તરે નક્કી થાય છે. મહારાષ્ટ્ર, ગુજરાત, ઓડિશા, કર્ણાટક, તમિલનાડુ, તેલંગાણા, ગોવા અને આંધ્રપ્રદેશમાં બેંકની શાખાઓ બંધ છે. જોકે, UPI, નેટ બેંકિંગ અને ATM જેવી ડિજિટલ સેવાઓ ગ્રાહકો માટે ૨૪x૭ ચાલુ રહેશે.