ભારતીય શેરબજાર માટે આ સપ્તાહ ખૂબ જ મહત્વનું છે. એક તરફ Larsen & Toubro અને Maruti Suzuki જેવી દિગ્ગજ કંપનીઓના પરિણામો આવી રહ્યા છે, તો બીજી તરફ ગ્લોબલ વ્યાજદરો અને Jio Platforms ના લિસ્ટિંગ પર સૌની નજર રહેશે.
ભારતીય ઇક્વિટી માર્કેટ માટે આ સપ્તાહ અત્યંત મહત્વનું સાબિત થવા જઈ રહ્યું છે. કોર્પોરેટ અર્નિંગ્સ, ગ્લોબલ મોનેટરી પોલિસી અને પ્રાઈમરી માર્કેટમાં આવતા IPOs રોકાણકારોની નજરના કેન્દ્રમાં રહેશે. સપ્ટેમ્બર ક્વાર્ટરના પરિણામો અત્યારે ચરમસીમા પર છે, જેમાં કંપનીઓના માર્જિન અને ડિમાન્ડના આંકડા માર્કેટની દિશા નક્કી કરશે.
કંપનીઓના પરિણામો પર નજર
આ અઠવાડિયે અનેક દિગ્ગજ કંપનીઓના પરિણામો જાહેર થવાના છે. ખાસ કરીને Larsen & Toubro, Maruti Suzuki અને Tata Steel ના રિઝલ્ટથી મેન્યુફેક્ચરિંગ અને ઇન્ડસ્ટ્રીયલ ગ્રોથનો અંદાજ આવશે. આ સિવાય Hindustan Unilever અને Asian Paints જેવી કંપનીઓના પરિણામોથી શહેરી અને ગ્રામીણ ભારતમાં માંગ કેવી છે તેનો ખ્યાલ આવશે. વોલ્યુમ ગ્રોથના આંકડા આ વખતે ખાસ જોવાની જરૂર રહેશે.
ગ્લોબલ સેન્ટ્રલ બેન્કોનો નિર્ણય
સ્થાનિક પરિણામોની સાથે ગ્લોબલ માર્કેટમાં પણ હલચલ જોવા મળશે. US Federal Reserve, European Central Bank અને Bank of Japan દ્વારા વ્યાજદરો અંગે મહત્વના નિર્ણયો લેવામાં આવશે. વ્યાજદરો અંગેના સંકેતો સીધી રીતે ફોરેન કેપિટલ ફ્લોને અસર કરશે, જેના કારણે માર્કેટમાં વોલેટિલિટી (Volatilty) વધવાની પૂરી શક્યતા છે.
IPO માર્કેટનો ટેસ્ટ
પ્રાઈમરી માર્કેટમાં પણ મોટો ટેસ્ટ છે. Jio Platforms નું લિસ્ટિંગ રોકાણકારો માટે આકર્ષણનું કેન્દ્ર બનશે. આ ઉપરાંત EAAA India Alternatives, SFC Environmental Technologies અને BLS Polymers ના IPOs પણ માર્કેટમાં લિક્વિડિટીની સ્થિતિ ચકાસશે. અગાઉ ઓગસ્ટમાં ઇન્ડસ્ટ્રીયલ પ્રોડક્શન 8% વધ્યું હતું, જો આ વખતે કોઈ ફેરફાર આવશે તો માર્કેટમાં રિએક્શન જોવા મળી શકે છે.