વીમા ક્ષેત્રમાં મોટો બદલાવ લાવવા માટે IRDAI તૈયારી કરી રહ્યું છે. રેગ્યુલેટર વીમા કંપનીઓના સંચાલન ખર્ચ અને કમિશન પર લગામ લગાવવા જઈ રહ્યું છે, જેથી ગ્રાહકોને સસ્તું વીમો મળી શકે.
વીમા ક્ષેત્રમાં પારદર્શિતા લાવવા માટે IRDAI એક મોટી રણનીતિ પર કામ કરી રહ્યું છે. આ નવા નિયમોનો મુખ્ય ઉદ્દેશ્ય બિઝનેસના ખર્ચને ઘટાડવાનો અને તેનો સીધો ફાયદો પોલિસીધારકોને પ્રીમિયમમાં ઘટાડાના રૂપમાં મળે તેવો છે.
ઓપરેશનલ કોસ્ટમાં મોટું અંતર
અત્યાર સુધીના ડેટા મુજબ, ઘણી પ્રાઈવેટ લાઈફ ઇન્શ્યોરન્સ કંપનીઓનો બિઝનેસ ખર્ચ 22% થી 32% ની વચ્ચે રહે છે. જ્યારે LIC અને SBI Life જેવી દિગ્ગજ કંપનીઓનો ઓપરેટિંગ કોસ્ટ માત્ર 11% થી 12% ની આસપાસ છે. હવે રેગ્યુલેટર તમામ કંપનીઓ માટે શિસ્ત લાવવા માંગે છે જેથી ગ્રાહકો પર વધારાનો બોજ ન પડે.
કમિશન સ્ટ્રક્ચરમાં ફેરફાર
રેગ્યુલેટરનું ધ્યાન ખાસ કરીને એજન્ટોને મળતા કમિશન પર છે, જે હાલમાં પ્રથમ વર્ષના પ્રીમિયમના 40% થી 50% સુધી હોઈ શકે છે. આના કારણે મિસ-સેલિંગનું જોખમ રહે છે. હવે કમિશનની મર્યાદા નક્કી કરવાથી ગ્રાહકોના હિતનું જતન થશે.
રોકાણકારોએ શું જોવું જોઈએ?
આ ફેરફારથી નવી અથવા નાની ઇન્શ્યોરન્સ કંપનીઓ પર દબાણ આવી શકે છે જેઓ વધુ કમિશન આપીને બિઝનેસ મેળવે છે. નવેમ્બર મહિનામાં લોન્ચ થનાર 'Bima Sugam' પ્લેટફોર્મ પણ આ ક્ષેત્રમાં ડિજિટલ ક્રાંતિ લાવશે. આ નિયમો 2026 ના શરૂઆતના સમયગાળામાં અમલી બનવાની શક્યતા છે, જે લાંબા ગાળે ઇન્શ્યોરન્સ સેક્ટરને વધુ મજબૂત અને કાર્યક્ષમ બનાવશે.