ભારતનું સેમિકન્ડક્ટર માર્કેટ **2030** સુધીમાં બમણું થઈને **$117 બિલિયન** થવાનો અંદાજ છે. હવે માત્ર પ્લાન્ટ બાંધકામ નહીં, પણ ઉત્પાદનની ક્વોલિટી અને ટેકનિકલ સફળતા પર આખા ઉદ્યોગની નજર છે.
ભારતનું સેમિકન્ડક્ટર મિશન હવે એક નવા તબક્કામાં પ્રવેશી રહ્યું છે. અત્યાર સુધી આપણે પ્રોજેક્ટ્સની જાહેરાત અને ગ્રાઉન્ડ બ્રેકિંગ જોતા હતા, પરંતુ હવે ખરી કસોટી શરૂ થઈ છે. $18 બિલિયનથી વધુના પ્રોજેક્ટ્સ હાલ પાઇપલાઇનમાં છે, પરંતુ આગામી 3 થી 5 વર્ષમાં કંપનીઓની સફળતા પ્રોજેક્ટ ક્યારે પૂરો થાય છે તેના પર નહીં, પણ તેઓ કેટલી ચોકસાઈથી ચિપ્સનું ઉત્પાદન કરી શકે છે તેના પર નિર્ભર રહેશે.
માર્કેટની વિશાળ તક
પ્રોજેક્શન મુજબ, ભારતનું સેમિકન્ડક્ટર માર્કેટ 2025માં અંદાજે $56 બિલિયનનું છે, જે 2030 સુધીમાં $117 બિલિયનને પાર કરી જશે. જોકે, ફેબ્રિકેશન પ્લાન્ટ કે ટેસ્ટિંગ ફેસિલિટી બનાવવી એ તો માત્ર શરૂઆત છે. ગ્લોબલ ટેક કંપનીઓ પાસેથી મંજૂરી મેળવવા અને પ્રોફિટેબલ બનવા માટે પ્લાન્ટમાં બનતી ચિપ્સમાં 'ઝીરો ડિફેક્ટ' અને ઉચ્ચ સ્તરની ગુણવત્તા હોવી અનિવાર્ય છે.
કોને થશે સૌથી પહેલા ફાયદો?
જ્યારે ચિપ મેન્યુફેક્ચરિંગ યુનિટ્સને સંપૂર્ણ ક્ષમતાએ પહોંચતા સમય લાગશે, ત્યારે તેને સપોર્ટ આપતી કંપનીઓને જલ્દી ફાયદો મળી શકે છે. તેમાં ખાસ કરીને:
- ઔદ્યોગિક બાંધકામ (Industrial Construction)
- ક્લીનરૂમ ટેકનોલોજી
- સ્પેશિયલાઇઝ્ડ કેમિકલ્સ અને ગેસ ઉત્પાદકો
આ કંપનીઓ સેટઅપ ફેઝ દરમિયાન જ બિઝનેસ વધારી શકશે.
રોકાણકારો માટે શું છે જોખમ?
સેમિકન્ડક્ટર બિઝનેસ ખૂબ જ કેપિટલ-ઈન્ટેન્સિવ છે અને તેમાં લાંબા ગાળા સુધી વળતર મળતું નથી. મુખ્ય પડકારોમાં કુશળ માનવબળ (Talent), વીજળી અને પાણીની અવિરત સપ્લાય, અને ગ્લોબલ સપ્લાય ચેઈનમાં સ્થાન મેળવવું એ છે. આગામી સમયમાં ટ્રાયલ પ્રોડક્શન રન અને ગ્લોબલ સર્ટિફિકેશન મળવાની ઝડપ પર રોકાણકારોએ ખાસ ધ્યાન રાખવું જોઈએ.