દુબઈનો મોટો નિર્ણય: પ્રોપર્ટી ખરીદીને Visa મેળવવું હવે સહેલું, રોકાણની મર્યાદા દૂર

અગાઉ, વ્યક્તિગત ખરીદદારો માટે બે વર્ષનો પ્રોપર્ટી વિઝા મેળવવા માટે ઓછામાં ઓછી AED 750,000 (લગભગ ₹1.9 કરોડ) નું રોકાણ કરવું પડતું હતું. પરંતુ હવે આ થ્રેશોલ્ડ (threshold) સંપૂર્ણપણે દૂર કરવામાં આવ્યો છે.

સંયુક્ત માલિકી ધરાવતા લોકો માટે, દરેક સહ-માલિક પાસેથી ઓછામાં ઓછી AED 400,000 (લગભગ ₹1.03 કરોડ) ની રોકાણની જરૂરિયાત નક્કી કરવામાં આવી છે.

આ પગલાથી મિડ-માર્કેટ સેગમેન્ટના અનેક આંતરરાષ્ટ્રીય રોકાણકારો માટે દુબઈના દરવાજા ખૂલી જશે તેવી અપેક્ષા છે. નિષ્ણાતો માને છે કે વ્યક્તિગત ખરીદદારો માટેની મર્યાદા હટાવવાથી વધુ ખરીદદારો આકર્ષાશે, જ્યારે સંયુક્ત માલિકી માટેની નવી મર્યાદા રોકાણને સુગમ બનાવશે.

આ વ્યૂહરચનાનો મુખ્ય ઉદ્દેશ્ય ટ્રાન્ઝેક્શન વોલ્યુમ વધારીને અને નવા ખરીદદારોને રોકાણ કરવા પ્રોત્સાહિત કરીને દુબઈના રિયલ એસ્ટેટ માર્કેટને પુનર્જીવિત કરવાનો છે. આ દુબઈની વ્યાપક આર્થિક પુનઃપ્રાપ્તિને ટેકો આપવા માટેનું એક મહત્વપૂર્ણ પગલું માનવામાં આવે છે.