RBI વ્યાજ દરમાં કરી શકે છે વધારો: મોંઘવારીના કારણે રેપો રેટમાં બે વાર થઈ શકે છે વધારો

મોંઘવારીનો માર અને RBI ના સંકેત

દેશમાં કન્ઝ્યુમર પ્રાઈસ ઈન્ફલેશન હાલ 4.8% છે, જે વધીને 5.5% સુધી પહોંચવાનો અંદાજ છે. આ સ્થિતિને કાબૂમાં લેવા માટે RBI ઓક્ટોબર અને ડિસેમ્બરની પોલિસી મીટિંગમાં 25-25 બેસિસ પોઈન્ટ ના બે વધારા કરી શકે છે. એનર્જીના વધતા ભાવ અને ફૂડ ઈન્ફલેશન અર્થતંત્ર માટે મોટો પડકાર બની રહ્યા છે.

લોન લેનારાઓ માટે ચેતવણી

જો આંતરરાષ્ટ્રીય બજારમાં ક્રૂડ ઓઈલના ભાવ $100 પ્રતિ બેરલની ઉપર રહેશે, તો ભારતનું કરંટ એકાઉન્ટ ડેફિસિટ અને સરકારી તિજોરી પર દબાણ વધશે. આ સીધી અસર સામાન્ય લોકોના ખિસ્સા પર પડશે, કારણ કે હોમ લોન, પર્સનલ લોન અને કોર્પોરેટ ડેટ મોંઘા થવાની પૂરેપૂરી શક્યતા છે.

સેક્ટર પર કેવી અસર પડશે?

• IT સેક્ટર: માર્કેટ આ સેક્ટરને લઈને સાવધ છે. AI ના ક્રેઝ વચ્ચે પણ લેગસી IT સર્વિસ પ્રોવાઈડર્સને આવક વૃદ્ધિ અને પ્રાઈસિંગ પ્રેશરનો સામનો કરવો પડી રહ્યો છે.
• ઈલેક્ટ્રોનિક્સ મેન્યુફેક્ચરિંગ: અહીં ચિત્ર થોડું અલગ છે. હવે મોબાઈલ એસેમ્બલી ઉપરાંત કેમેરા મોડ્યુલ્સ, બેટરી અને PCB જેવા જટિલ પાર્ટ્સ પણ ભારતમાં બની રહ્યા છે, જે લાંબા ગાળે આ સેક્ટરમાં મોટું ગ્રોથ પોટેન્શિયલ દર્શાવે છે.

આગામી સમયમાં US ફેડરલ રિઝર્વના નિર્ણયો અને મોંઘવારીના ડેટા પર રોકાણકારોની નજર રહેશે, જે ભારતીય શેરબજાર અને વ્યાજ દરના ચક્રને નક્કી કરવામાં મહત્વની ભૂમિકા ભજવશે.