૧ ઓક્ટોબર, ૨૦૨૬ થી NRI પાસે પ્રોપર્ટી ખરીદનારા રેસિડેન્ટ ભારતીયો માટે નિયમો બદલાઈ રહ્યા છે. હવે ખરીદદારે અપડેટેડ Form 141 ભરવાનું રહેશે અને વિક્રેતાની વિદેશી ટેક્સ ID જેવી વિગતો આપવી ફરજિયાત બનશે.
બદલાતા નિયમો અને નવી જવાબદારી
સેન્ટ્રલ બોર્ડ ઓફ ડાયરેક્ટ ટેક્સીસ (CBDT) એ NRI પાસેથી પ્રોપર્ટી ખરીદનારાઓ માટે TDS રિપોર્ટિંગના નિયમોમાં મોટો ફેરફાર કર્યો છે. ૧ ઓક્ટોબર, ૨૦૨૬ થી, દરેક રેસિડેન્ટ ખરીદદારે નવા ફોર્મ ૧૪૧ (Form 141) નો ઉપયોગ કરવો પડશે, જે હવે એક યુનિફાઇડ ચલણ-કમ-સ્ટેટમેન્ટ તરીકે કાર્ય કરશે.
શું બદલાશે?
નવા ફોર્મમાં Schedule E ઉમેરવામાં આવ્યું છે, જે ઇન્કમ ટેક્સ એક્ટની કલમ ૩૯૩(૨) હેઠળ કરાયેલી કપાત પર નજર રાખશે. હવે ખરીદદારોએ NRI વિક્રેતા પાસેથી નીચેની વિગતો મેળવવી અને રજૂ કરવી ફરજિયાત છે:
- TRC (Tax Residency Certificate) નંબર
- વિદેશી Tax Identification Number (TIN)
- કન્ફર્મ ઓવરસીઝ કોન્ટેક્ટ ડિટેઈલ્સ
આ વિગતો PAN કાર્ડ હોવા છતાં પણ આપવી પડશે, જેથી ટેક્સ કપાતમાં થતી ભૂલો ટાળી શકાય.
ખરીદદારો માટે ચેતવણી
જો તમે પ્રોપર્ટીના સોદામાં ગફલત કરી, તો ઇન્કમ ટેક્સ વિભાગની નોટિસ મળી શકે છે. દરેક ખરીદદારે અલગથી ફોર્મ ભરવાનું રહેશે. ખાસ કરીને જ્યારે રકમ મોટી હોય અને ફંડ વિદેશમાં મોકલવાનું હોય, ત્યારે TDS માં નાની ભૂલ પણ પ્રોપર્ટી ટ્રાન્સફરમાં વિલંબ કરી શકે છે. નિષ્ણાતોની સલાહ છે કે એગ્રીમેન્ટ સાઈન કરતા પહેલા જ આ જરૂરી ડોક્યુમેન્ટ્સ એકઠા કરી લેવા.