જો તમારા બાળકોની ઉંમરમાં મોટું અંતર હોય તો તે આર્થિક આયોજનમાં પડકાર બની શકે છે. શિક્ષણ ખર્ચને અલગ લક્ષ્યાંક ગણીને રોકાણ કરવાથી રિટાયરમેન્ટ ફંડ સુરક્ષિત રાખી શકાય છે.
પરિવારમાં જ્યારે બાળકોની ઉંમર વચ્ચે મોટું અંતર હોય ત્યારે પર્સનલ ફાઈનાન્સનું મેનેજમેન્ટ થોડું જટિલ બની જાય છે. ઘણીવાર શિક્ષણનો ખર્ચ દાયકાઓ સુધી ખેંચાય છે, જે સીધી રીતે તમારા રિટાયરમેન્ટ પ્લાનિંગને અસર કરી શકે છે. જો યોગ્ય આયોજન ન કરવામાં આવે તો, નાના બાળકના શિક્ષણનો ખર્ચ તમારા રિટાયરમેન્ટના પિક સેવિંગ્સ વર્ષો સાથે અથડાઈ શકે છે, જે એક મોટું જોખમ છે.
એજ્યુકેશન ફંડિંગની મોટી ભૂલ
નાણાકીય સલાહકારોના મતે, સૌથી મોટી ભૂલ એ છે કે માતા-પિતા બંને બાળકોના શિક્ષણને એક સમાન ખર્ચ તરીકે જુએ છે. શિક્ષણમાં વધતી જતી મોંઘવારી (Education Inflation) ને ધ્યાનમાં લેવી અનિવાર્ય છે. મોટા બાળકના શિક્ષણનો ખર્ચ અને નાના બાળકના શિક્ષણનો ખર્ચ સમય જતાં ઘણો વધી જશે, તેથી દરેક બાળકના ફંડને અલગ રાખવું (Segregated Buckets) અત્યંત જરૂરી છે.
રિટાયરમેન્ટ ફંડમાં ગાબડું ન પાડો
ઘણા રોકાણકારો ફી ભરવા માટે પોતાના રિટાયરમેન્ટ કોર્પસનો ઉપયોગ કરે છે, જે સૌથી મોટી ભૂલ છે. રિટાયરમેન્ટના પૈસા ઉપાડવાથી તમે 'કમ્પાઉન્ડિંગ'ની શક્તિ ગુમાવો છો, જેનો નુકસાન લાંબા ગાળે ભરપાઈ કરી શકાતું નથી. તમારા રિટાયરમેન્ટ પોર્ટફોલિયોને અંત સુધી અકબંધ રાખવો એ તમારી પ્રાથમિકતા હોવી જોઈએ.
શું હોવી જોઈએ રણનીતિ?
- ટ્રાન્ઝિશનલ વિન્ડોનો ઉપયોગ: જ્યારે મોટું બાળક કોલેજ પૂરું કરે અને નાનું બાળક શરૂ કરે, તે વચ્ચેના સમયમાં વધતા ખર્ચને બદલે તે પૈસાને રિટાયરમેન્ટ ફંડ કે નાના બાળકના ભવિષ્યમાં રોકો.
- વૈકલ્પિક વ્યવસ્થા: જો શિક્ષણનો ખર્ચ રિટાયરમેન્ટને અસર કરતો હોય તો લોન લેવી અથવા સ્કોલરશિપ પર ધ્યાન આપવું એ રોકાણ તોડવા કરતાં વધુ સમજદારીભર્યું છે.
- 45ની ઉંમરે રિવ્યૂ: તમારી રિટાયરમેન્ટ ગણતરી 45 વર્ષની ઉંમરે ફરીથી તપાસો, જેથી છેલ્લી ઘડીએ ફંડની અછતને કારણે તમારે તમારી જીવનશૈલી કે પ્લાન્સમાં મોટો ફેરફાર ન કરવો પડે.