Income Tax Appellate Tribunal (ITAT) એ સ્પષ્ટ કર્યું છે કે NRI પ્રોપર્ટીના કેપિટલ ગેઈન્સમાંથી માત્ર એ જ મુસાફરી અને રહેઠાણનો ખર્ચ બાદ કરી શકશે, જે વેચાણની પ્રક્રિયા સાથે સીધો જોડાયેલો હોય.
ITAT બેંગલુરુ બેન્ચે ભારતમાં પ્રોપર્ટી વેચતા NRI માટે ટેક્સ ડિડક્શન અંગે મોટી સ્પષ્ટતા કરી છે. ઇન્કમ ટેક્સ એક્ટ, ૧૯૬૧ની કલમ ૪૮ હેઠળ ટ્રાવેલ અને એકમોડેશનના ખર્ચ ત્યારે જ માન્ય ગણાશે જો તે સંપૂર્ણપણે પ્રોપર્ટીના વેચાણ માટે જ કરવામાં આવ્યા હોય.
શું છે વિવાદ?
એક યુએસ-સ્થિત કરદાતાએ ટ્રાવેલ અને લોજિંગ પાછળ ₹૧૨.૦૧ લાખ નો દાવો કર્યો હતો, જેને ટ્રિબ્યુનલે ફગાવી દીધો છે. કોર્ટે અવલોકન કર્યું કે વેચાણના દસ્તાવેજોના ઘણા સમય પહેલા થયેલી મુસાફરીને ટ્રાન્સફર ખર્ચ ગણી શકાય નહીં. કોઈપણ ક્લેમ માટે ટ્રાવેલ અને રજિસ્ટ્રેશન પ્રક્રિયા વચ્ચે સીધો સંબંધ હોવો અનિવાર્ય છે.
પુરાવા રાખવા જરૂરી
જો તમે પર્સનલ વેકેશન અને પ્રોપર્ટીની મુલાકાત સાથે કરો છો, તો તે ખર્ચ ડિડક્શન માટે ગેરલાયક ઠરશે. ટેક્સ વિભાગ હવે ફ્લાઇટ મેનિફેસ્ટ, હોટલ ઇન્વોઇસ અને તારીખ મુજબના પત્રવ્યવહાર દ્વારા સત્યતા તપાસે છે. રેકોર્ડ્સમાં જરા પણ અસ્પષ્ટતા હશે તો નોટિસ આવવાનું જોખમ વધી જાય છે.
એક્વિઝિશન કોસ્ટમાં રાહત
જોકે, ટ્રિબ્યુનલે ટેક્સ ઘટાડવા માટે એક સકારાત્મક રસ્તો પણ બતાવ્યો છે. જો હોમ લોનનું વ્યાજ સેક્શન ૨૪(બી) હેઠળ અગાઉ ક્લેમ ન કર્યું હોય, તો તેને પ્રોપર્ટીની એક્વિઝિશન કોસ્ટ તરીકે ₹૨૧.૬૦ લાખ સુધી ગણી શકાય છે. ઉપરાંત, મેન્ટેનન્સ ડિપોઝિટ અને યુટિલિટી સિક્યોરિટી પેમેન્ટ્સનો પણ ખર્ચમાં સમાવેશ કરી શકાય છે, જેનાથી ઈન્ડેક્સેશનનો લાભ લઈને ટેક્સ લાયબિલિટી ઘટાડી શકાય છે.
સાવધાન રહેવાની જરૂર
આવકવેરા વિભાગ હવે AIS (એન્યુઅલ ઇન્ફોર્મેશન સ્ટેટમેન્ટ) દ્વારા પ્રોપર્ટી રજિસ્ટ્રાર અને TDS ડેટાનું સતત મોનિટરિંગ કરે છે. ખર્ચ વધારીને બતાવવાથી સ્ક્રુટિની નોટિસ અને પેનલ્ટી લાગી શકે છે, તેથી દરેક ખર્ચના દસ્તાવેજો સાચવી રાખવા તે જ હવે શ્રેષ્ઠ વિકલ્પ છે.