Personal Loan લેતી વખતે છુપાયેલા ચાર્જીસ અને લાંબા ટેન્યોરની જાળમાં ફસાવાથી બચવું હોય તો આ સમાચાર તમારા માટે છે. RBI ના 'Key Facts Statement' ના નિયમ અને તમારી નાણાકીય સુરક્ષા માટેના 5 મહત્વના મુદ્દાઓ જાણી લો.
Key Facts Statement (KFS) ને સમજો
ઘણીવાર બેંકો આકર્ષક વ્યાજ દર બતાવે છે, પરંતુ પ્રોસેસિંગ ફી, ડોક્યુમેન્ટેશન ચાર્જીસ અને ઈન્સ્યોરન્સ પ્રીમિયમ જેવા ખર્ચાઓ લોનની વાસ્તવિક કિંમત વધારી દે છે. RBI ના નવા નિયમ મુજબ, બેંકો અને NBFCs એ ગ્રાહકોને Key Facts Statement (KFS) આપવું ફરજિયાત છે. આ ડોક્યુમેન્ટમાં લોનનો વાસ્તવિક વાર્ષિક ખર્ચ (Annualised Cost of Credit) લખેલો હોય છે. લોન એગ્રીમેન્ટ પર સાઈન કરતા પહેલા આ ડોક્યુમેન્ટ ચોક્કસ માંગવું, જેથી તમારે અંતે કેટલી રકમ ચૂકવવી પડશે તેનો સ્પષ્ટ ખ્યાલ આવે.
લાંબા ટેન્યોરની ભૂલ ટાળો
લોકો ઘણીવાર EMI ઘટાડવા માટે લાંબા ગાળાના (Longer Tenure) લોન પ્લાન પસંદ કરે છે, જે મોટી ભૂલ સાબિત થઈ શકે છે. લાંબા સમયની લોન પર વ્યાજનો બોજ ખૂબ વધારે હોય છે. દાખલા તરીકે, 3 વર્ષના બદલે 5 વર્ષની લોન લેવાથી તમારે લાંબા ગાળે વધુ વ્યાજ ચૂકવવું પડશે. તેથી, તમારા માસિક બજેટ મુજબ વધુમાં વધુ EMI પસંદ કરીને ટેન્યોર ટૂંકો રાખવો હિતાવહ છે.
પ્રીપેમેન્ટ અને ક્રેડિટ સ્કોરનું ધ્યાન
ઘણીવાર લોન વહેલી ચૂકવવા પર પણ બેંકો પેનલ્ટી વસૂલે છે. જોકે, RBI ના નિયમ મુજબ ફ્લોટિંગ રેટ ધરાવતી વ્યક્તિગત લોન પર ફોરક્લોઝર ચાર્જીસ લાગી શકતા નથી. આ ઉપરાંત, એકસાથે ઘણી બધી જગ્યાએ લોન માટે એપ્લાય કરવાનું ટાળો, કારણ કે તેનાથી ક્રેડિટ રિપોર્ટમાં ઘણી બધી 'Hard Inquiries' દેખાય છે, જે તમારો ક્રેડિટ સ્કોર ઘટાડી શકે છે અને ભવિષ્યમાં લોન મળવી મુશ્કેલ બનાવી શકે છે.