Utah Valley University માં ૨૦૨૫ માં થયેલી Charlie Kirk ની હત્યા મામલે એક તપાસ રિપોર્ટ બહાર આવ્યો છે. જેમાં સ્પષ્ટ થયું છે કે સુરક્ષા આયોજનમાં મોટી ચૂક થઈ હતી અને હાઈ-રિસ્ક હોવા છતાં આઉટડોર ઇવેન્ટની પરવાનગી અપાઈ હતી.
સુરક્ષામાં ક્યાં રહી ગઈ કમી?
તાજેતરમાં જાહેર થયેલા ઈન્સ્ટિટ્યુશનલ એસેસમેન્ટ મુજબ, ૧૦ સપ્ટેમ્બર ૨૦૨૫ના રોજ થયેલી આ દુર્ઘટના પાછળ વહીવટીતંત્રની ગંભીર ભૂલો જવાબદાર છે. યુનિવર્સિટીએ માનક સુરક્ષા પ્રોટોકોલ્સને બાજુ પર રાખીને બાહ્ય આયોજકોની પ્રાથમિકતાઓને વધુ મહત્વ આપ્યું હતું.
આયોજનમાં મોટી નિષ્ફળતા
તપાસમાં બહાર આવ્યું છે કે યુનિવર્સિટી દ્વારા કોઈ પણ પ્રકારનું 'ફોર્મલ થ્રેટ એસેસમેન્ટ' (Threat Assessment) કરવામાં આવ્યું ન હતું. આયોજક સંસ્થા 'Turning Point USA' ને લોજિસ્ટિક્સ નક્કી કરવાની છૂટ આપી દેવામાં આવી હતી, જેના કારણે આઉટડોર કોર્ટયાર્ડમાં કાર્યક્રમ યોજાયો. યુનિવર્સિટીને અગાઉથી ખબર હતી કે આ સ્થળ ઊંચી ઇમારતોથી ઘેરાયેલું છે અને ત્યાંથી સુરક્ષા જોખમ છે, તેમ છતાં 'લાઈન-ઓફ-સાઈટ' એનાલિસિસ કે રૂફટોપ શૂટરના જોખમને રોકવા માટે કોઈ પગલાં લેવાયા નહોતા.
સંકલનનો અભાવ
રિપોર્ટમાં એ પણ નોંધવામાં આવ્યું છે કે યુનિવર્સિટીની આંતરિક સુરક્ષા ટીમ, સ્પીકરની પોતાની ખાનગી સુરક્ષા અને સ્થાનિક પોલીસ વચ્ચે કોઈ સંકલન (Coordination) ન હતું. આ પ્રોફેશનલ કોઓર્ડિનેશનના અભાવને કારણે ઈમરજન્સી રિસ્પોન્સમાં મોટી ખાલીપો જોવા મળ્યો હતો, જે અંતે એક જીવલેણ ઘટનામાં પરિણમ્યો.