જમ્મુ-કાશ્મીરના બડગામમાં સુરક્ષા દળોએ મોટી સફળતા મેળવી છે. Lashkar-e-Taiba ના ટોપ કમાન્ડર મોહમ્મદ આસિફ ઉર્ફે હાશિમ મુસાને એન્કાઉન્ટરમાં ઠાર કરવામાં આવ્યો છે, જેણે અનેક હુમલાઓનું કાવતરું ઘડ્યું હતું.
૪૫ દિવસનો પીછો અને અંત
જમ્મુ-કાશ્મીરના યુસમર્ગ વિસ્તારમાં ચાલેલા એક લાંબા ઓપરેશનના અંતે સુરક્ષા દળોએ પાકિસ્તાની આર્મીની સ્પેશિયલ સર્વિસીસ ગ્રુપના પૂર્વ કમાન્ડો એવા આતંકી મોહમ્મદ આસિફને ખતમ કર્યો છે. તપાસમાં સામે આવ્યું છે કે મુસા છેલ્લા ૪૫ દિવસ થી રજોરી અને પુંછના જંગલોમાં સુરક્ષા દળોથી બચવા છુપાઈ રહ્યો હતો. તે બુલેટ ઈજાઓથી પીડાઈ રહ્યો હતો અને આત્યંતિક પરિસ્થિતિમાં ઘા પર મધ લગાવીને પોતાની સારવાર કરી રહ્યો હતો.
ઈન્ફ્રાસ્ટ્રક્ચર અને પ્રવાસન પર અસર
આ આતંકી ૨૦૨૫ ના પહેલગામ હુમલા અને ૨૦૨૪ ના ગગનગીર ટનલ પ્રોજેક્ટ પર થયેલા હુમલાનો મુખ્ય સૂત્રધાર હતો. રોકાણકારો અને માર્કેટ એક્સપર્ટ્સ માટે જમ્મુ-કાશ્મીરની સુરક્ષા સ્થિતિ મહત્વની છે, કારણ કે સીધા જ આ પ્રદેશના પ્રવાસન અને ઈન્ફ્રાસ્ટ્રક્ચર પ્રોજેક્ટ્સની ગતિને અસર કરે છે. આતંકીઓના સફાયાથી પ્રદેશમાં સ્થિરતા આવવાની આશા વધી છે, જે લાંબાગાળે આર્થિક ગતિવિધિઓ માટે પોઝિટિવ સંકેત છે.