Kerala Police એ હોસ્પિટલ બુકિંગના નામે ચાલતી એક મોટી સાયબર છેતરપિંડી અંગે એલર્ટ જાહેર કર્યું છે. ફ્રોડ કરનારા લોકો Google પર નકલી સર્ચ રિઝલ્ટ મૂકીને યુઝર્સને માલવેર ડાઉનલોડ કરવા મજબૂર કરે છે, જે તમારી UPI વિગતો અને OTP ચોરી લે છે.
સાયબર ગુનેગારોની નવી મોડસ ઓપરેન્ડી (Modus Operandi)
Kerala Police ના રિપોર્ટ મુજબ, આ ગેંગ ખાસ કરીને હોસ્પિટલમાં એપોઇન્ટમેન્ટ બુક કરાવવા માંગતા લોકોની મજબૂરીનો લાભ લે છે. ઠગ લોકો Google પર હોસ્પિટલના ફેક કસ્ટમર કેર નંબર મૂકે છે. જ્યારે કોઈ યુઝર આ નંબર પર ફોન કરે છે, ત્યારે તેમને હોસ્પિટલનો સ્ટાફ ગણાવીને WhatsApp દ્વારા એક ફાઈલ (APK) ડાઉનલોડ કરવા કહેવામાં આવે છે.
કેવી રીતે થાય છે પૈસાની ચોરી?
એકવાર તમે આ ફાઈલ ઇન્સ્ટોલ કરો, એટલે તમારા ફોનનું કંટ્રોલ ઠગ લોકોના હાથમાં આવી જાય છે:
- OTP ચોરી: માલવેર તમારા SMS વાંચી શકે છે, જેથી બેંકના OTP સહેલાઈથી ચોરાઈ જાય છે.
- UPI Lite નો દુરુપયોગ: આ સ્કેમર્સ ખાસ કરીને UPI Lite જેવી નાની પેમેન્ટ સર્વિસને ટાર્ગેટ કરે છે, જેમાં ટુ-ફેક્ટર ઓથેન્ટિકેશન (2FA) ની જરૂર પડતી નથી. પરિણામે, ખાતામાંથી ધીમે-ધીમે નાના પણ વારંવાર ટ્રાન્ઝેક્શન દ્વારા મોટી રકમ ઉપાડી લેવામાં આવે છે.
તમારી સુરક્ષા માટે શું કરવું?
૧. અધિકૃત સોર્સ: હંમેશા Google Play Store પરથી જ એપ ડાઉનલોડ કરો. WhatsApp પર આવેલી કોઈ પણ લિંક કે ફાઈલ પર વિશ્વાસ ન કરો.
૨. પરમિશન ચેક: જો કોઈ એપ ઇન્સ્ટોલ કરતી વખતે SMS, નોટિફિકેશન કે કોન્ટેક્ટ લિસ્ટની એક્સેસ માંગે તો તે એપને તાત્કાલિક ડિલીટ કરો.
૩. તાત્કાલિક પગલાં: જો ભૂલથી એપ ડાઉનલોડ થઈ ગઈ હોય, તો તરત જ ફોનનું ઇન્ટરનેટ બંધ કરી દો. તમારી બેંકનો સંપર્ક કરીને ખાતું ફ્રીઝ કરાવો અને 1930 પર કોલ કરીને સાયબર ક્રાઈમમાં ફરિયાદ નોંધાવો.