Pradhan Mantri Gram Sadak Yojana: ગ્રામીણ રસ્તાઓની ગુણવત્તા તપાસવા IIT-NIT ના એક્સપર્ટ્સ મેદાનમાં

ગામડાઓને જોડતા રસ્તાઓના નેટવર્કને મજબૂત કરવા માટે સરકારે હવે કડક વલણ અપનાવ્યું છે. Ministry of Rural Development એ દેશના 8,00,000 કિમી લાંબા ગ્રામીણ રોડ નેટવર્કની તપાસ માટે IIT અને NIT ના ટેકનિકલ એક્સપર્ટ્સને જવાબદારી સોંપી છે. આ માત્ર ઉપરછલ્લી તપાસ નહીં, પરંતુ ડિઝાઈન, ડ્રેનેજ અને મટિરિયલની ઊંડાણપૂર્વકની તપાસ હશે.

કન્સ્ટ્રક્શન કંપનીઓ માટે મુશ્કેલી

ઘણીવાર એવું જોવા મળે છે કે કોન્ટ્રાક્ટરો સરકારી ટેન્ડર મેળવવા માટે અંદાજ કરતા 25% થી 30% જેટલી ઓછી બિડ લગાવે છે. આ આક્રમક બિડિંગને કારણે પ્રોજેક્ટમાં ગુણવત્તા સાથે બાંધછોડ થાય છે. હવે નવી સિસ્ટમમાં મોબાઈલ એપ દ્વારા લેબોરેટરી ટેસ્ટિંગ અને સાઈટ સુપરવિઝનની કડક ચકાસણી કરવામાં આવશે. જે કંપનીઓ નબળું કામ કરશે તેમને બ્લેકલિસ્ટ કે દંડનો સામનો કરવો પડી શકે છે.

બજેટ અને પ્રોજેક્ટની ડેડલાઈન

FY27 માટે સરકારે ₹18,907 કરોડ નું બજેટ ફાળવ્યું છે, જેમાં 26,474 કિમી રસ્તા બનાવવાનો લક્ષ્યાંક છે. સૌથી મહત્વની વાત એ છે કે હવે ટેન્ડર મંજૂર થયા બાદ પ્રોજેક્ટ શરૂ કરવા માટે માત્ર 72 દિવસની સમયમર્યાદા નક્કી કરવામાં આવી છે. આ કડક નિયમોને કારણે કન્સ્ટ્રક્શન કંપનીઓના ઓપરેટિંગ માર્જિન પર દબાણ આવી શકે છે, કારણ કે હવે ક્વોલિટીમાં કોઈ કસર છોડવી શક્ય નહીં બને.