ICAI દ્વારા Tirumala Tirupati Devasthanams (TTD) ના ફાઈનાન્સિયલ માળખાને આધુનિક બનાવવાની કવાયત હાથ ધરાઈ છે. હવે મંદિરમાં એકાઉન્ટિંગ સિસ્ટમ બદલાશે અને જમીનની સંપત્તિને પ્રોફેશનલી મેનેજ કરવા માટે REITs નો ઉપયોગ કરવામાં આવશે.
દુનિયાના સૌથી ધનવાન ધાર્મિક સંસ્થાનોમાં સામેલ Tirumala Tirupati Devasthanams (TTD) ના ફાઈનાન્સિયલ મેનેજમેન્ટમાં હવે મોટા ફેરફારો જોવા મળશે. Institute of Chartered Accountants of India (ICAI) દ્વારા આ માટે એક ખાસ પ્રોજેક્ટ શરૂ કરવામાં આવ્યો છે, જેનો ઉદ્દેશ્ય મંદિરમાં વર્ષો જૂની સિસ્ટમને હટાવીને તેને આધુનિક અને પ્રોફેશનલ બનાવવાનો છે.
એકાઉન્ટિંગમાં આધુનિક અભિગમ
TTD નું એકાઉન્ટિંગ મેન્યુઅલ છેલ્લા 30 વર્ષથી અપડેટ કરવામાં આવ્યું ન હતું. ICAI હવે એક નવું ફાઈનાન્સિયલ માળખું તૈયાર કરી રહી છે, જે ડેઈલી કેશ કલેક્શનથી લઈને પેમેન્ટ ટ્રેકિંગ સુધીની દરેક બાબતોને આવરી લેશે. આ ફેરફારના ભાગરૂપે મંદિરમાં એક અત્યાધુનિક Enterprise Resource Planning (ERP) સિસ્ટમ લાગુ કરવામાં આવશે, જેથી દરેક નાણાકીય વ્યવહારનું રિયલ-ટાઈમ ટ્રેકિંગ થઈ શકે.
જમીન માટે REITs નો વિચાર
ભક્તો દ્વારા મળેલી કરોડોની કિંમતની જમીનોને કેવી રીતે પ્રોફેશનલી મેનેજ કરવી, તે એક મોટો પડકાર છે. આ સમસ્યાના ઉકેલ માટે ICAI દ્વારા Real Estate Investment Trusts (REITs) ના વિકલ્પ પર વિચારણા કરવામાં આવી રહી છે. આનાથી જમીનની માલિકી ગુમાવ્યા વગર, તેને આર્થિક રીતે સક્ષમ બનાવી શકાય તેમ છે.
આ ઉપરાંત, મંદિરના સોનાના ભંડારની વેલ્યુએશન માટે પણ નવી અને પારદર્શક પ્રોટોકોલ બનાવવામાં આવી રહી છે. આ પ્રોજેક્ટ ફક્ત TTD પૂરતો મર્યાદિત નથી, પરંતુ તે ભારતના અન્ય મોટા ધાર્મિક ટ્રસ્ટો માટે પણ એક નવો 'બ્લૂપ્રિન્ટ' સાબિત થઈ શકે છે.