ભારતીય બજારમાં અત્યારે **200** થી વધુ Exchange Traded Funds (ETFs) ઉપલબ્ધ છે. જો તમે પણ રોકાણ કરવાનું વિચારી રહ્યા હોવ, તો ટ્રેકિંગ એરર, એક્સપેન્સ રેશિયો અને લિક્વિડિટી જેવી બાબતો પર ખાસ નજર રાખવી જોઈએ, જેથી તમારા રિટર્નમાં મોટો ઘટાડો ન આવે.
મ્યુચ્યુઅલ ફંડ ઇન્ડસ્ટ્રીમાં અત્યારે ETFs નો વ્યાપ ખૂબ વધી રહ્યો છે. ઘણા રિટેલ રોકાણકારો એવું માને છે કે બધા જ ઇન્ડેક્સ ફંડ એકસરખા હોય છે, પરંતુ અહીં કેટલીક ટેકનિકલ વાતો છે જે તમારા ફાઈનલ કોર્પસ પર મોટી અસર કરી શકે છે.
ટ્રેકિંગ એરર (Tracking Error) નું મહત્વ
કોઈપણ પેસિવ ફંડ માટે ટ્રેકિંગ એરર સૌથી મુખ્ય માપદંડ છે. જો કોઈ ઇન્ડેક્સ 10% વધે અને તમારું ETF માત્ર 9.5% વધે, તો તે 0.5% નો તફાવત ટ્રેકિંગ એરર છે. ખાસ કરીને ગોલ્ડ કે સિલ્વર ETF માં ઊંચી ટ્રેકિંગ એરર તમારા રિટર્નને બજારના ભાવથી અલગ કરી શકે છે. ફંડના મંથલી ફેક્ટ શીટમાં આ ડેટા ચેક કરવાનું ભૂલશો નહીં.
એક્સપેન્સ રેશિયોનો માર
ETF એ સસ્તા રોકાણના સાધનો છે, છતાં પણ એક્સપેન્સ રેશિયો (વાર્ષિક ફી) ખૂબ મહત્વ ધરાવે છે. ગ્લોબલ ઇક્વિટી ETF માં લાંબા ગાળે આ ફી તમારા નફામાં મોટું ગાબડું પાડી શકે છે. હંમેશા સમાન ઇન્ડેક્સને ટ્રેક કરતા વિવિધ ફંડ્સના ખર્ચની સરખામણી કરો.
લિક્વિડિટી અને બિડ-આસ્ક સ્પ્રેડ
સ્ટોક્સની જેમ જ ETF પણ એક્સચેન્જ પર ટ્રેડ થાય છે. ઘણીવાર ઓછા વોલ્યુમ ધરાવતા ETFs માં 'બિડ-આસ્ક સ્પ્રેડ' ઘણો વધારે હોય છે, એટલે કે ખરીદતી વખતે તમારે પ્રીમિયમ ચૂકવવું પડે અને વેચતી વખતે ઓછી કિંમત મળે. ટ્રેડિંગ વોલ્યુમ ચેક કરીને જ એન્ટ્રી અને એક્ઝિટ લેવી જોઈએ.
કરન્સી અને માર્કેટ રિસ્ક
US-ફોકસ્ડ ETFs માં માત્ર માર્કેટનું જ નહીં, પરંતુ કરન્સી રિસ્ક પણ રહેલું છે. જો રૂપિયાની વેલ્યુ વધે તો તમારા ઇન્ટરનેશનલ રિટર્ન પર અસર પડી શકે છે. યાદ રાખો કે કોમોડિટી ETFs સાયકલ પર ચાલે છે, તેથી તેમાં લાંબા ગાળાના દ્રષ્ટિકોણ સાથે જ આગળ વધવું હિતાવહ છે.