Mutual Funds માં Direct અને Regular પ્લાન બંને એક જ એસેટ્સમાં રોકાણ કરે છે, પરંતુ કમિશનને કારણે ખર્ચમાં મોટો તફાવત પડે છે. Direct પ્લાન જ્યાં લાંબા ગાળે વધુ વળતર આપી શકે છે, ત્યાં Regular પ્લાન પ્રોફેશનલ સલાહ આપે છે. રોકાણ કરતા પહેલા ખર્ચ અને ટેક્સના પાસાઓ સમજવા ખૂબ જરૂરી છે.
ખર્ચ અને કમ્પાઉન્ડિંગનો તફાવત
મ્યુચ્યુઅલ ફંડમાં મુખ્ય તફાવત 'ટોટલ એક્સપેન્સ રેશિયો' (TER) માં રહેલો છે. આ તે વાર્ષિક ફી છે જે ફંડ હાઉસ તમારા પૈસા મેનેજ કરવા માટે વસૂલે છે. Regular પ્લાનમાં ડિસ્ટ્રિબ્યુટર કે એડવાઈઝરનું કમિશન સામેલ હોય છે, જે દરરોજ ફંડના નેટ એસેટ વેલ્યુ (NAV) માંથી કપાય છે. જ્યારે Direct પ્લાનમાં આ મધ્યસ્થીઓ ન હોવાથી એક્સપેન્સ રેશિયો ઓછો હોય છે.
જોકે આ તફાવત 0.5% થી 1% જેટલો નાનો લાગે, પણ 10 થી 20 વર્ષના ગાળામાં કમ્પાઉન્ડિંગની શક્તિથી તે તમારા ફંડમાં મોટું અંતર લાવી શકે છે.
પ્રોફેશનલ ગાઈડન્સનું મહત્વ
ઓછો ખર્ચ એટલે હંમેશા Direct પ્લાન જ શ્રેષ્ઠ એવું નથી. Regular પ્લાનની ફી તમે મેળવેલી સલાહનું મૂલ્ય છે. જો તમને પોર્ટફોલિયો રીબેલેન્સિંગ, યોગ્ય ફંડની પસંદગી કે માર્કેટમાં ઉતાર-ચઢાવ વખતે ભાવનાત્મક નિર્ણયો લેતા ડર લાગતો હોય, તો એડવાઈઝરની મદદ લેવી ફાયદાકારક સાબિત થઈ શકે છે.
સ્વિચ કરતી વખતે ધ્યાનમાં રાખો આ જોખમો
જો તમે Regular પ્લાનમાંથી Direct માં સ્વિચ કરવાનું વિચારી રહ્યા હોવ, તો યાદ રાખો કે આ એક સામાન્ય ટ્રાન્સફર નથી. તે એક 'રીડેમ્પશન' ગણાય છે, જેના કારણે તમારે નીચેની બાબતો તપાસવી જોઈએ:
- Exit Load: જો તમે ફંડમાં નિર્ધારિત સમય પહેલા પૈસા પાછા ખેંચો છો, તો તમારે પેનલ્ટી ભરવી પડી શકે છે.
- Tax Implications: યુનિટ્સ રિડીમ કરવાથી કેપિટલ ગેઈન્સ ટેક્સ લાગી શકે છે. તેથી સ્વિચ કરતા પહેલા ટેક્સ અને લોન્ગ ટર્મ ગેઈનનું કેલ્ક્યુલેશન કરવું અનિવાર્ય છે.