Supreme Court એ દિલ્હી હાઈકોર્ટ પાસે પેડેસ્ટ્રિયન કામગીરી પૂર્ણ કરવા માટે **25 નવેમ્બર, 2026** ની ડેડલાઈન આપી છે. સાથે જ સમગ્ર દેશમાં IRC 103:2022 ના નિયમો લાગુ કરવા આદેશ કર્યો છે, જેની સીધી અસર ઇન્ફ્રા અને EPC સેક્ટરના ભાવિ પ્રોજેક્ટ્સ પર જોવા મળી શકે છે.
દિલ્હી માટે કડક ડેડલાઈન
Supreme Court ના જસ્ટિસ જે.બી. પારડીવાલા અને કેવી વિનોદ ચંદ્રનની બેન્ચે દિલ્હી સત્તાવાળાઓને સ્પષ્ટ આદેશ આપ્યો છે કે દિલ્હી હાઈકોર્ટની આસપાસ ફૂટપાથ અને પેડેસ્ટ્રિયન ક્રોસિંગનું કામ 25 નવેમ્બર, 2026 સુધીમાં પૂર્ણ કરવું પડશે. કોર્ટે સ્પષ્ટ કર્યું છે કે યોગ્ય ફૂટપાથનો અભાવ એ બંધારણના આર્ટિકલ 21 અને 19(1)(d) હેઠળ મળતા મૂળભૂત અધિકારોનું ઉલ્લંઘન છે.
દેશભરના ઇન્ફ્રા પ્રોજેક્ટ્સમાં આવશે બદલાવ
કોર્ટે હવે સમગ્ર ભારત માટે Indian Roads Congress (IRC) ના 103:2022 ગાઈડલાઈન્સનું પાલન કરવાનું ફરજિયાત બનાવ્યું છે. આ ગાઈડલાઈન્સ મુજબ હવે દરેક રસ્તા પર વ્હીલચેરની સુવિધા, એન્ટી-સ્કીડ સપાટી અને સરળ પેસેજ હોવા અનિવાર્ય છે. આનાથી શહેરી આયોજનમાં ગાડીઓ કરતાં રાહદારીઓને પ્રાધાન્ય આપવામાં આવશે.
EPC સેક્ટર અને રોકાણકારો માટે શું સંકેત?
આ આદેશ બાદ સરકારી કોન્ટ્રાક્ટ્સ અને ટેન્ડરિંગ પ્રક્રિયામાં મોટો બદલાવ આવી શકે છે. જે કંપનીઓ રોડ કન્સ્ટ્રક્શન અને અર્બન ડેવલપમેન્ટ સાથે જોડાયેલી છે, તેમણે હવે આ કડક ક્વોલિટી પેરામીટર્સને પોતાના પ્રોજેક્ટ પ્લાનિંગમાં સામેલ કરવા પડશે. આનાથી પ્રોજેક્ટના ખર્ચ અને ટેકનિકલ જરૂરિયાતોમાં વધારો થઈ શકે છે. સરકાર પાંચ મોટા શહેરોમાં પાઈલટ પ્રોજેક્ટ્સ પણ શરૂ કરવા જઈ રહી છે, જેથી આગામી સમયમાં આ નિયમોનું પાલન કરવું દરેક EPC પ્લેયર માટે અનિવાર્ય બની રહેશે.