ITAT બેંગલોરે એક રિટાયર્ડ શિક્ષક સામેની ટેક્સ રીએસેસમેન્ટની કાર્યવાહી રદ કરી છે. ટ્રિબ્યુનલે સ્પષ્ટ કર્યું છે કે ટેક્સ વિભાગે કાયદાકીય મર્યાદા પછી નોટિસ મોકલી હતી, જે ગેરકાયદેસર છે.
કેસની વિગત
બેંગલોર સ્થિત ઇન્કમ ટેક્સ એપલેટ ટ્રિબ્યુનલ (ITAT) એ તાજેતરમાં એક મહત્વપૂર્ણ ચુકાદો આપ્યો છે. આ કેસમાં મૈસૂરના એક નિવૃત્ત સ્કૂલ શિક્ષકને ટેક્સ વિભાગ દ્વારા ₹1.33 કરોડ ના કેશ ડિપોઝિટ મામલે નોટિસ મોકલવામાં આવી હતી. વિભાગનો આરોપ હતો કે આ રકમ અઘોષિત આવક છે, જેના આધારે ₹48.85 લાખની આવક નક્કી કરી રીએસેસમેન્ટ ઓર્ડર પાસ કરાયો હતો.
સમયમર્યાદાનું મહત્વ
ટેક્સપેયરે ટ્રિબ્યુનલમાં દલીલ કરી હતી કે વિભાગે કાયદાકીય સમયમર્યાદાનું ઉલ્લંઘન કર્યું છે. તપાસમાં બહાર આવ્યું કે એસેસમેન્ટ યર 2015-16 માટે નોટિસ મોકલવાની છેલ્લી તારીખ 31 માર્ચ, 2022 હતી, પરંતુ વિભાગે તે 26 એપ્રિલ, 2022 ના રોજ મોકલી હતી. એટલે કે, નિર્ધારિત સમય કરતાં 26 દિવસ મોડા નોટિસ આપવામાં આવી હતી.
શું કહ્યું ટ્રિબ્યુનલે?
સુપ્રીમ કોર્ટ અને કર્ણાટક હાઈકોર્ટના પૂર્વ ચુકાદાઓને ટાંકીને ITAT એ સ્પષ્ટ કર્યું કે સ્ટેચ્યુટરી લિમિટ પૂરી થયા પછી મોકલવામાં આવેલી કોઈપણ નોટિસ કાયદાકીય રીતે માન્ય ગણાતી નથી. આ ચુકાદો સાબિત કરે છે કે ટેક્સ વિભાગ પાસે ડેટા એનાલિટિક્સના પાવર હોવા છતાં, તેમણે આવકવેરા અધિનિયમ (Income Tax Act) હેઠળની પ્રક્રિયાઓ અને સમયમર્યાદાનું પાલન કરવું અનિવાર્ય છે.