Jio Platforms માટે મોટા સમાચાર! કંપનીના IPO ને માર્કેટ રેગ્યુલેટર SEBI ની મંજૂરી મળી ગઈ છે. આ ઈસ્યુ ભારતનો અત્યાર સુધીનો સૌથી મોટો IPO બની શકે તેમ છે, જે સંપૂર્ણપણે ફ્રેશ ઈક્વિટી શેર દ્વારા લાવવામાં આવશે.
સૌથી મોટો IPO સાબિત થશે?
Reliance Industries ની ડિજિટલ અને ટેલિકોમ આર્મ એવી Jio Platforms ને સેબી (SEBI) તરફથી સત્તાવાર ઓબ્ઝર્વેશન લેટર મળી ગયો છે. આ મંજૂરી સાથે કંપની પાસે હવે આગામી 12 મહિનામાં ગમે ત્યારે પોતાનો IPO લાવવાની તક છે. હવે બધું જ માર્કેટ કન્ડિશન અને રોકાણકારોના સેન્ટિમેન્ટ પર નિર્ભર કરે છે.
શું છે IPO ની ખાસિયત?
આ આખો ઈસ્યુ ₹37,700 કરોડનો છે, જે સંપૂર્ણપણે 100% ફ્રેશ ઈશ્યુ છે. એટલે કે, કંપની માર્કેટમાંથી નવા ભંડોળ એકત્ર કરશે. આમાં 27 કરોડ નવા ઇક્વિટી શેર જારી કરવામાં આવશે. ખાસ વાત એ છે કે Reliance Industries, Meta અને Google જેવા મોટા રોકાણકારો પોતાના હિસ્સાનું વેચાણ (Offer for Sale) નથી કરી રહ્યા, જે તેમનો કંપનીમાં લાંબા ગાળાનો વિશ્વાસ દર્શાવે છે.
મજબૂત ફાઈનાન્શિયલ રિપોર્ટ (FY26)
કંપનીએ પોતાની ફાઈલિંગમાં શાનદાર પરફોર્મન્સ બતાવ્યું છે. FY26 માં કંપનીની કુલ વાર્ષિક આવક ₹1.47 લાખ કરોડ રહી છે. તેનું EBITDA ₹76,255 કરોડ રહ્યું છે, જે 51.9% ના મજબૂત ઓપરેટિંગ માર્જિન સાથે કામ કરે છે.
ભંડોળનો ઉપયોગ ક્યાં થશે?
કંપનીનો મુખ્ય ઉદ્દેશ્ય તેની સબસિડિયરી Reliance Jio Infocomm નું દેવું ઘટાડવાનો છે. આ IPO માંથી મળનારી રકમમાંથી ₹27,500 કરોડ સીધા દેવાની ચૂકવણી કે પ્રી-પેમેન્ટમાં વાપરવામાં આવશે, જેથી કંપનીના વ્યાજ ખર્ચમાં મોટો ઘટાડો થશે અને નાણાકીય સ્થિતિ મજબૂત બનશે.
હાલમાં Reliance Industries નો શેર ₹1,288 ની આસપાસ ટ્રેડ કરી રહ્યો છે. હવે રોકાણકારોની નજર IPO ની તારીખ અને પ્રાઈસ બેન્ડ પર રહેશે.