ભારતીય લાઈફ ઈન્સ્યોરન્સ સેક્ટરમાં AI (આર્ટિફિશિયલ ઈન્ટેલિજન્સ) નો ઉપયોગ ઝડપથી વધી રહ્યો છે, જેનાથી અંડરરાઈટિંગ અને પ્રોડક્ટ લોન્ચિંગ પ્રક્રિયા વધુ ઝડપી બનશે. IRDAI એ વર્ષ 2026 માટે સ્પેશિયલ વર્કિંગ ગ્રૂપની રચના કરી છે.
ભારતીય લાઈફ ઈન્સ્યોરન્સ સેક્ટર હવે પાયલોટ પ્રોજેક્ટ્સથી આગળ વધીને સંપૂર્ણપણે ડિજિટલ ટ્રાન્સફોર્મેશન તરફ જઈ રહ્યું છે. આ ફેરફારને કારણે હવે નવી વીમા પ્રોડક્ટ્સ લોન્ચ કરવામાં મહિનાઓને બદલે માત્ર કલાકોનો સમય લાગે છે.
અંડરરાઈટિંગ અને પ્રાઈસિંગમાં મોટો બદલાવ
વીમા કંપનીઓ હવે રિસ્ક અંડરરાઈટિંગ માટે ડેટા-ડ્રિવન મોડલ્સનો ઉપયોગ કરી રહી છે. ખાસ કરીને ડાયાબિટીસ જેવી બીમારી ધરાવતા લોકો માટે, જેમને અગાઉ ઊંચા પ્રીમિયમ અથવા રિજેક્શનનો સામનો કરવો પડતો હતો, તેમને હવે વધુ સચોટ પ્રાઈસિંગ મળી રહ્યું છે. વર્ષ 2030 સુધીમાં ભારતમાં ડાયાબિટીસના દર્દીઓની સંખ્યા 10.1 કરોડ સુધી પહોંચવાની ધારણા છે, ત્યારે આ ટેકનોલોજી કંપનીઓને વધુ લોકો સુધી પહોંચવામાં મદદ કરી રહી છે.
IRDAI ની કડક નજર
હાલમાં 82% વીમા કંપનીઓ મશીન લર્નિંગનો ઉપયોગ કરી રહી છે, જે 75% અંડરરાઈટિંગ નિર્ણયોને અસર કરે છે. આ વધતા વ્યાપને જોતા, IRDAI એ વર્ષ 2026 માં એક AI વર્કિંગ ગ્રૂપ બનાવ્યું છે. જેનો મુખ્ય ઉદ્દેશ્ય AI દ્વારા લેવાતા નિર્ણયોમાં પારદર્શિતા લાવવાનો અને ગ્રાહકોની વ્યક્તિગત આર્થિક માહિતીની સુરક્ષા સુનિશ્ચિત કરવાનો છે.
રોકાણકારોએ શું જોવું જોઈએ?
રોકાણકારો માટે આ એક સુવર્ણ તક છે, પરંતુ સાથે જોખમ પણ છે. કંપનીઓ ડિજિટલ ગવર્નન્સ અને સાયબર સિક્યુરિટીમાં કેટલો ખર્ચ કરે છે તે જોવું અત્યંત જરૂરી છે. જો કોઈ કંપની માનવીય દેખરેખ વગર AI નો ઉપયોગ કરે તો તે નિયમનકારી જોખમ (Regulatory Risk) માં આવી શકે છે. કંપનીઓની પ્રોફિટેબિલિટીની સાથે તેમની ડિજિટલ શિસ્ત પર પણ નજર રાખવી જોઈએ.