BEML ના B28 હાઈ-સ્પીડ ટ્રેને પાસ કરી સુરક્ષાની અગ્નિપરીક્ષા, જાણો શું છે કંપની માટે પ્લસ પોઈન્ટ

સુરક્ષા પરીક્ષણમાં સફળતા

સરકારી કંપની BEML એ ભારતના હાઈ-સ્પીડ રેલ પ્રોજેક્ટમાં એક મોટું સિદ્ધિ મેળવી છે. બેંગલુરુ સ્થિત ફેસિલિટીમાં કરવામાં આવેલા 'સ્ક્વિઝ ટેસ્ટ' દ્વારા એ સાબિત થયું છે કે B28 ટ્રેનનું બોડી શેલ હાઈ-સ્પીડ દરમિયાન આવતા અતિશય દબાણને સહન કરવા માટે સંપૂર્ણ રીતે સક્ષમ છે. આ ટેસ્ટ કોઈ પણ પ્રોટોટાઈપને ટ્રેક પર ઉતારતા પહેલાની એક અનિવાર્ય વૈધાનિક પ્રક્રિયા છે.

ટેકનોલોજીમાં આત્મનિર્ભર ભારત

B28 ટ્રેનને ૨૪૯ kmph ની ઝડપે દોડવા માટે ડિઝાઇન કરવામાં આવી છે, જ્યારે તેની સુરક્ષા સિસ્ટમ ૨૭૫ kmph સુધીની ઝડપને પણ પહોંચી વળે તે રીતે બનાવવામાં આવી છે. આ પ્રોજેક્ટ દ્વારા BEML હવે પરંપરાગત કોચ અને ડિફેન્સ મેન્યુફેક્ચરિંગમાંથી બહાર આવીને એડવાન્સ રોલિંગ સ્ટોક પૂરા પાડતી કંપની બનવા તરફ મક્કમ ડગલાં માંડી રહી છે.

રોકાણકારો માટે શું છે મહત્વનું?

રોકાણકારો માટે હવે આગામી સમયમાં કંપનીની ઓર્ડર બુક અને રેવન્યુ ગ્રોથ પર નજર રાખવી ખૂબ જ જરૂરી છે. જોકે, હાઈ-સ્પીડ રેલ પ્રોજેક્ટ્સ મૂડી-સઘન (Capital Intensive) હોય છે, જેમાં સરકારી સમયમર્યાદા, કાચા માલના ભાવમાં વધઘટ અને પ્રોજેક્ટમાં વિલંબ જેવા જોખમો હંમેશા રહેલા હોય છે.

આગામી ૨૦૨૭ માં સુરત-વાપી સેક્શન પર થનારા ટ્રાયલ રન અને ત્યારબાદ આવનારા કોમર્શિયલ ઓર્ડરના સમાચાર કંપનીના શેર માટે મુખ્ય ટ્રિગર સાબિત થઈ શકે છે.