હૈદરાબાદ સ્થિત Mapmygenome એ હવે વૈશ્વિક સ્તરે વિસ્તરણ કરવા માટે વેનકુવરની dnaPower Inc. નું અધિગ્રહણ કર્યું છે. આ ડીલથી ભારતીય કંપનીને ઉત્તર અમેરિકાના વિશાળ ગ્રાહક બેઝ અને પર્સનલ જીનોમિક્સ માર્કેટમાં મજબૂત પકડ મળશે.
વૈશ્વિક લેવલે કંપનીનો મોટો દાવ
હૈદરાબાદની પર્સનલ જીનોમિક્સ કંપની Mapmygenome હવે ભારતની સીમાઓ ઓળંગીને ઉત્તર અમેરિકાના હેલ્થ ડાયગ્નોસ્ટિક્સ સેક્ટરમાં મજબૂત પગપેસારો કરવા જઈ રહી છે. કંપનીએ વેનકુવર સ્થિત dnaPower Inc. ને ખરીદી લીધી છે. જોકે આ ડીલની આર્થિક વિગતો જાહેર કરવામાં આવી નથી, પરંતુ આ પગલાથી ભારતીય કંપનીને કેનેડામાં ત્વરિત કામગીરી અને તૈયાર ક્લાયન્ટ નેટવર્ક મળી ગયું છે.
પ્લાન શું છે?
Mapmygenome અત્યાર સુધી મુખ્યત્વે ભારતીય માર્કેટમાં પ્રિડિક્ટિવ જીનોમિક ટેસ્ટિંગ માટે જાણીતી છે. dnaPower પાસે DNA ટેસ્ટિંગ, ગટ માઇક્રોબાયોમ એનાલિસિસ અને ફાર્માકોજેનેટિક્સમાં નિપુણતા છે. આ બંને કંપનીઓ હવે પોતાના AI-સંચાલિત પ્લેટફોર્મને જોડીને લોન્ગિવિટી (આયુષ્ય) અને સ્વાસ્થ્ય અંગે સચોટ માહિતી આપતા વૈશ્વિક હેલ્થ-ટેક પ્લેટફોર્મ તરીકે કામ કરશે.
પડકારો અને ભવિષ્ય
ઉત્તર અમેરિકાનું પર્સનલ જીનોમિક્સ માર્કેટ અત્યંત સ્પર્ધાત્મક છે અને ત્યાં ઘણી મોટી કંપનીઓ પહેલેથી જ પ્રભુત્વ ધરાવે છે. Mapmygenome માટે હવે મુખ્ય પડકાર તેનું AI-આધારિત મલ્ટી-ઓમિક્સ મોડેલ કેવી રીતે ત્યાંના ગ્રાહકોને અલગ અને ખાસ વેલ્યુ આપે છે તે છે.
આ ઉપરાંત, બે અલગ-અલગ દેશોમાં ઓપરેશન સંભાળવા અને કેનેડાના કડક ડેટા પ્રાઈવસી કાયદાઓનું પાલન કરવું એ કંપનીના મેનેજમેન્ટ માટે મોટી કસોટી હશે. હવે જોવાનું એ રહેશે કે કંપની આ એકીકરણ (Integration) પછી ત્યાંના ગ્રાહકોમાં કેટલી ઝડપથી પોતાની ઓળખ બનાવી શકે છે.