ભારતમાં હાર્ટ ડિસીઝની સારવાર પછી દર્દીઓ દવા લેવામાં બેદરકારી દાખવે છે, જેને કારણે હવે હોસ્પિટલ ચેઈન્સ 'ડિજિટલ હેલ્થ' અને 'રિમોર્ટ મોનિટરિંગ' પર ભાર આપી રહી છે.
હોસ્પિટલની બહાર દર્દીઓની તબિયત કેમ બગડે છે?
ભારતનું હેલ્થકેર સેક્ટર એક ગંભીર પડકારનો સામનો કરી રહ્યું છે. એક્યુટ કોરોનરી સિન્ડ્રોમ (Acute Coronary Syndrome) ના આંકડા દર્શાવે છે કે હોસ્પિટલમાંથી રજા મળ્યાના 6 મહિનાની અંદર જ 16% થી 42% દર્દીઓ નિયમિત દવાઓ લેવાનું બંધ કરી દે છે. વર્તમાન હેલ્થકેર મોડલ માત્ર હોસ્પિટલ ટ્રીટમેન્ટ પર ધ્યાન આપે છે, પણ ડિસ્ચાર્જ પછીના મેનેજમેન્ટમાં મોટું અંતર છે.
નવું બિઝનેસ મોડલ: 'કનેક્ટેડ કેર'
હવે મોટી હોસ્પિટલ ચેઈન્સ અને હેલ્થ-ટેક કંપનીઓ આ ગાળાને ભરવા માટે કમર કસી રહી છે. હવે હોસ્પિટલો માત્ર 'બેડ ઓક્યુપન્સી' પર નિર્ભર રહેવાને બદલે રિકરિંગ રેવન્યુ (Recurring Revenue) મોડલ તરફ વળી રહી છે. આમાં નીચે મુજબની સેવાઓનો સમાવેશ થાય છે:
- એપ-બેઝ્ડ સબસ્ક્રિપ્શન: દર્દીઓ ઘરે બેઠા ડૉક્ટર સાથે જોડાયેલા રહી શકે.
- ટેલિકન્સલ્ટેશન: નિયમિત ફોલો-અપ માટે હોસ્પિટલ જવાની જરૂર ઘટે.
- ઇન્ટિગ્રેટેડ હોમ-કેર: દર્દીના વાઇટલ્સ અને મેડિકેશન ટ્રેક કરવા માટે ડિજિટલ ટૂલ્સનો ઉપયોગ.
શું છે રોકાણકારો માટે રિસ્ક અને તક?
હાલમાં માત્ર 25% (દરેક ચારમાંથી એક) કાર્ડિયોલોજિસ્ટ પાસે જ વ્યવસ્થિત રિહેબિલિટેશન પ્રોગ્રામ છે, જે એક મોટું માર્કેટ ગેપ દર્શાવે છે. જોકે, આ સેક્ટરમાં પણ જોખમો છે. ડિજિટલ-ફર્સ્ટ સ્ટાર્ટઅપ્સ તરફથી મળતી સ્પર્ધા, ડેટા પ્રાઈવસીના નિયમો અને ટેકનોલોજીના અમલીકરણ માટે થતો મોટો ખર્ચ (Capital Spending) એ મુખ્ય પડકારો છે. લાંબા ગાળે, જે હોસ્પિટલ દર્દીઓને વધુ સારી રીતે ડિજિટલ ટૂલ્સ દ્વારા સાંકળી શકશે, તે જ માર્કેટમાં બાજી મારી જશે.